مو عشاني ما اتكلّم .. قـلت هــذا ما يتألّـم
لا يحــس قلبه حــجر .. قمت تتمادى وتظلم

أنا بصــراحة منـقـتـل .. وآكل بـ نفـسي أكل
أنت تجــرح ما تـمـــل .. وأنا مـنـك ما اتعـلم

ليـش تحـرمني دفاك .. وأنا أتـنـفس هـــواك
وما أبي الا رضـــــاك .. ليتك بـ إحساسي تهتم

حــبني أكـــثر شوي .. وخـل قلبك بس علي
انت دنياي وهــــلي .. والله الشـاهد ويعلم

كل ما أشوفك أذوب .. مــنك ما أشبع وأتوب
شمس ما تعرف غروب .. وأحلف بـ ربي وأقسم

قلبي لا شفتك يطيب .. وافــرش الدنيا حرير
عالمي بـ دونك صغير .. تكفى لا تخليني أندم

.