الموضوع: محتاار/هـ وش البس اليوم!!
عرض مشاركة واحدة
قديم 26-12-2010, 06:29 PM
المشاركة 4
الصورة الرمزية مبسوطهـ !!
مبسوطهـ !!
عضو يفوق الوصف
  • غير متواجد
رد: محتاار/هـ وش البس اليوم!!
بصراحه كنت احس بشي من التقييد أيام المدرسه

وكنت أتمنى لو يكون الزي حسب المزاج

ماحسيت بقيمة توحيد اللبس إلا في الجامعة .. والله أتمنى لو يتوحّد الزي عندنا

أريح ..

من ناحية حوسة الصبح وعلى قولتك محتاره وش البس ولين ماالقى لبس الباص راح عني !

وانا من النوع اللي لو ايش مااجهز ملابسي من الليل .. خير مشتطه !

ومن ناحيه ثانيه .. التجاوزات اللي تصير .. صراحه البنات ماينعطون وجه .. إذا سمحولهم بشي يمصخونها

تلاقين كل وحده ماهمها إلا تكشخ عالثانيه وتطلع لك بلبس ماتدرين راسها من رجلها

قصير من هنا وعاري من هناك ويجي فجأه مشقق من مدري وين !

وبعدين فيه بنات ظروفهم الماديّه ماتسمح انهم يداومون كل يوم بلبس .. فمراعاة ً لهم التوحيد أفضل

بحيث أن كلهم يكونون سواسيه

غير كذا احنا جايين نتعلم .. بس وش الحاصل الحين ؟!!

اللبس صاير هو الشغل الشاغل

تلاقينهم ساحبين عالدراسه وناقعين في هالأسواق عشان والله صديقاتي شافوني بملابسي كلها ماابي اعيد والبسها

ياااي فشله وش بيقولون عني ماني ستايل !!

آقول اعقلي انتي ويّاها

أنا عن نفسي أتشجع توحيد الزي في مجالات التعليم للبنات والأولاد ..

أظن انه يعطي شوية نظام وإنضباط ينعكس عليهم ولو بشيء يسير

بعكس اللبس " المزاجي" تحس بفوضى .. كأنك جاي طبق خيري!!


بالنسبة للمطاعم أيضا ً توحيد الزي أفضل .. عاد تخيلي كل واحد لابس شكل

شلون اعرف اي واحد فيهم القرسون


يعطيك العافيه ياليت الأماكن
موضوع جديد .. وجميل

حفظكِ المولى