الموضوع
:
~ :♥:ڪًششْتَهـ مًآسِنجَريـهـْ ~
عرض مشاركة واحدة
10-12-2009, 03:22 AM
المشاركة
109
عضو له مكانه في قلوبنا
تاريخ الإنضمام :
Apr 2002
رقم العضوية :
127
المشاركات:
6,276
رد: ~ :♥:ڪًششْتَهـ مًآسِنجَريـهـْ ~
اقتباس المشاركة الأصلية كتبت بواسطة خيالك
ياااااااااااهلااااااااااااو ياااااااااامررررررررحباااا وش هالحركات الخطيره
والله يالريم إبداعات و تطورات مالها حل <<< يقاله يمدح الحين
بصراحه موضوع روعه و أفكار أروع <<< بدأ يرقع خخخخخخخخخخخخخخخخ
الله يعطيك العافيه أختي على الموضوع و الفكره المبدعه بجد
وش هاللي نشوفه أبو سعيّد هنيا ياهلا وغلا يامرحبا و مسهلا ضيف رائع بمعنى الكلمه
الغالي أبو سعيّد <<< ريماس نسيت هاللقب خخخخخخخخخخخخخخخخخخخ
المهم اسئلتي كالتالي:
1 - متى آخر مره إنسرق ماسنجرك و هل قدرت ترجعه و كيف؟ <<< متعقد من هالموضوع
2 - هل مرت عليك فتره كرهت الماسنجر و مادخلته فتره و ايش كان إحساسك؟
3 - هل أصبح الماسنجر وسيله للترقيم؟ وش اسباب ههالظاهره؟
4 - هل تؤيد محادثة الفتاه للشاب الغريب عنها في الماسنجر؟ <<< بدينا أسئلة الدبابيس
و بس سلامتك عسى ماكثرنا بس خخخخخخخخخخخخخخخخخخخخخخخخ
و نبي نشوف ردودك أخوي اللي توسع الصدر و في نفس الوقت هادفه بمعنى الكلمه
ربي يسعدك أخوي و يخليك و يطرح البركه بيدينك
و الشكر لك أختي رموسه على الطرح الرائع جداً
أخوكم خيالك (ابوعبدالرحمن)
يحييك ويبدزيك أخوي
أبو دحيّم
المهلي ما يولي .. وعز الله مقامك .. ودير لقهوه يا راعيها
<< كلها مع بعض
اني داري مدحك ذا اللي سادحه في البدايه موب عبث .. حاس إنك بتجيب العيد وتحرجن بأسئلتك
لا وقاعد تحرّج على لقب ( أبو سعيد ) .. ما بقى الا تقول استخدام حشمه
لكن مع هذا كله .. تمون يا غالي .. إسعل
على كيف كيفك .. لا يردك الا كيبوردك
1 - متى آخر مره إنسرق ماسنجرك و هل قدرت ترجعه و كيف؟ <<< متعقد من هالموضوع
يا رجال تفاول خير .. الظاهر انه ما زد انسرق .. أو انه انسرق وما لقوا فيه الا الدجه ورجعوه ووقفوه عند البيت
<< وين ددسن؟
بعدين لو حتى انسرق ما عندي نيه أبلغ ولا شي
.. متى ما خلصوا منه يرجعونه
شكلك دايم ينزرف المسن حقك .. ليه ما تحط لك حارس؟
<< يحسبه استراحه
قصدي برنامج حمايه قوي .. ولا تخليه يسجلك دخول تماكيك
.. يعني لا تخليه محتفظ بالايميل والباسوورد .. الله لا يهينك اكتبها في كل مره ويالله الخراج
2 - هل مرت عليك فتره كرهت الماسنجر و مادخلته فتره و ايش كان إحساسك؟
اي هذي عد واغلط .. لأن أحيانا اذا ما لقيت اللي عندك داخلين .. يطقك الوهم وانت جالس فيه لحالك
يا أما يكون الواحد داخل في وقت ما يدري وش يبي يالناس نايمه والا مداومه
أو إن مزاجك متعكر من قبل تدخل .. فتدخل متلطم ما ودك تحاتسي أحد
<< طيب ليه داخل انت ووجهك؟!
من ناحية الاحساس .. الله لا يوريك .. تحس انك اللي مخترع الماسنجر وجاي تجمع الإيجار ومحد فتحت لك من المستاجرين
<< أمحق تشبيه
3 - هل أصبح الماسنجر وسيله للترقيم؟ وش اسباب ههالظاهره؟
تبي الصدز .. الله الله .. بس للأمانه موب في جميع الحالات ومع كل الناس
ما فيه أسباب غير إنه صار أسهل من الدوران في الأسواق والمجمعات .. وإلا المغازل القديم اللي الواحد يقعد يدقدق على تلفونات خلق الله .. وكل شوي رازعين السمعه في وجهه مع تسمن دعوه
وما ييأس .. يستمر لين يطيح له في وحدتن مثله .. تحب تسولف
وفي النهايه الماسنجر ما راح يكون وسيله للترقيم بين طرفين الا اذا الطرفين أنفسهم راغبين هالشي .. يعني محد يضرب أحد على يده ويجبره يعطي رقم أو ياخذه
4 - هل تؤيد محادثة الفتاه للشاب الغريب عنها في الماسنجر؟ <<< بدينا أسئلة الدبابيس
خخخخخخخ شكلك تسوي بحث .. دراسه يعني
.. لا يروح تفكيرك بعيد
في حالات وبحدود الأدب واحترام بعض .. يعني ما تتعدى السبب الرئيسي للمحادثه
البعض يمكن يحتاج هالمحادثه للاستشاره أو لطلب المساعده والراي في أمر معين وزي كذا
وفي الاخير تتوقف على الاشخاص ونواياهم وطريقة استغلالهم للمحادثه
وعشان أريحك من حيث الدبابيس
.. أقسم لك بالله فيه أخوات مضافين عند أخوك بالماسنجر من سنوات ودائما كلامنا ما يتعدى حدود الأدب وما يطلع عن التشاور أو مناقشة بعض الأشياء
ولا أحد شاف من الثاني إلا كل خير واحترام وتقدير
ولأنها محادثه نصيه .. يعني زيها زي الكلام اللي يصير بالمنتدى مثلا .. موب محادثه صوتيه عشان ما يصير فيه سوء ظن بس من أحد
مشكور يا غالي على تشريفك لي في الموضوع .. وسدح أسعلتك الجميله .. اللي أسعدتني بدون شك
دايم تعال
ربي يسعدك ويوفقنا وياكم في الدارين
دمت بود وألف خير
™ تشاوو .. يرحمكم الله
رد مع الإقتباس