ليتك سكت ومانطقهـا لسانـك
قبل الكلام اللي سمعتـك تقولـه

قل غيرها دامك بتتـرك مكانـك
مادام قلبي معك ضاعـت حلولـه

مركب غلاك اقفى وراح بحنانـك
والدمع في عيني تطـارد خيولـه

خايف عليك تضيع و تخسر رهانك
ومادمت تبغى البعد تقـدر تنولـه

آسف على حبٍٍ وفيته عشانـك
يقولها قلبٍ خفـق مـن ذهولـه

قلبٍ يحبك خان نفسـه وصانـك
ماكان يسمع هرج نـاسٍ عذولـه

ياليت قلبي صان نفسـه وخانـك
معك الوفا وشلون ضاع بسهولـه

وان صرت رايح رايح اذكر زمانك
من قبل وردالشوق يظهـر ذبولـه

يمكن تجي والعذر يمـلا كيانـك
وبعدين افكر بين رفضـه وقبولـه

يمكن تجي والخوف يمـلا لسانـك
وتقول انا ماكان قصـدي اقولـه




اتمنى تنال على ذوووقكم



الــ ع ـــطشان