الموضوع: مدرســتك تحـت آلمجـهـ ـر
عرض مشاركة واحدة
قديم 15-04-2011, 08:23 PM
المشاركة 37
الصورة الرمزية لــ ج ــيــن..||~

  • غير متواجد
رد: مدرســتك تحـت آلمجـهـ ـر
[/CELL]



شكرا لك غاليتي تسوى عيوني على استضافتي..
سبق وان تواجدت بالرد هنا ولكن سعيده جدا لمشاركتي معكم مرة اخرى..
ابدأها بسمة تعالى..


* كم نسبتك العـأَإم الماضي او الثانويه العامه..>> يالله طلعوآ الفضآيح ؟!.

راح اتكلم بالعامي افضل لجل تفهمون علي والفصحى لاحقين عليه..

الثانوية العامة كانت 97,76 % يعني مع الجبر 98 وانتي ماشيه
لافضايح ولاشي الحمدالله متفوقه..


* كم ترتيبكـ بالعآدة؟!.
دائما من الاول الى الرابع من وقت وانا بالابتدائي
هذا ترتيبي المعتاد..

* ماهي مادتكـ المفضله ؟!.
صراحة اعشق التاريخ والجغرافيا لجل هالشي دشيت ادبي..
وبعد احب علم النفس وانشالله اتخصص هالشي بعدين..



* تحبـٍ/ي تذآكرـٍ/ي من الدفتر ولآ الكتآب ؟!.

على حسب اذا كان الدفتر يحتوي على معلومات مفيده وشبيهه
بالكتاب ليش لا وافضل من الكتاب بس ماتفرق اهم شي اذاكر..



* هل إنتـٍ/ي من النوع اللي تحبـٍ/ي تشخبطـٍ/ي عَـ الكتب والدفأإآتر ؟!.

بصراحه ايه قبل كنت اشخبط بشكل لايحتمل بس الحين عقلت اشخبط شويتين
اكتب فيه حكم او شي حبيته ورسخ ببالي او ايات قرأنيه حافظتها..





* إذا إنتـٍ/ي متخرجـٍ/ــة شو المرحله اللي حبيتها/حبيتيها ؟!. لماذآ ؟!.
المرحلة الثانوية خاصة الصف الأول الثانوي حبيته بجد على ماقد كان صعب بس
فيه اشياء وايد ارسخت ببالي واتركتها مرحله حلوة وممتعه..


* هل أنت/ي من النوع اللي يتكلم/تتكلم كثير في الفصل ؟!.

لا بصراحه انا جدا هادية بالمدرسه اقصد الحين بالثانوي بس قبل لا
واذا المدرسه مو عاجبنتي ولااقتنعت بكلامه ابدا اسولف من تحت لتحت
واعلق على اشياء وايد بعد ماتنتهي الحصه واتم اناقشها لوقت ماتمل مني
ليش قلتي وانا قريت وانتي قلتي كذا وكذا لوقت ماتقول انها غلطانه واذا
مااعترفت استسلم..اذا كانت غلطانه اما اذا اقتنعت وكلامها تمام والمعلومه حبيتها
اسكت..وتعدي الحصه على خير..


* من آكثر معلم/معلمه حبيته/حبيتيهآ ؟!. شو يدرّس/تدرّس ؟!.

بقلك شي ولا شئ سوى الصراحه مو تفخيما لــ لجين ومو غرور بالنفس..
لكن ولله الحمد طول عمري احاول اكون متميزه وفي معلمات وايد حبوني
ومثلت مدرستي كذا مره لكن مااذكر اني تعلقت بمعلمة او حبيتها
في منهم كان لهم فضل علي..ووصلوني لاشياء ماقدر انكرها لكن
افضل احتفظ بالاسماء..


* فين كـٍآأن مكانك في الفصل ؟!.

امم ماذكر صراحه..
بالابتدائي طبعا كنت انازع وامووت لجل اقعد الاول تعرفين حركات البزران
تبي الاول قدام الاستاذه بس بالمتوسط كنت اداوم لجل العب والدراسه
شايلتها من بالي واحاول اقعد يم الجدار لجل لامليت احط راسي واقعد افكر مو
انام افكر وياكثر مااسرح بالحصص اللي مالها داعي.
مو معناته اني كسلت ترا وراي ابوي ماسكني واذا ماتفوقنا او طنشنا ياويلي...
والثانوي مااحب اقعد بالنص ابد ابد لجل لاتركز علي المعلمه كل شوي
وتتبع حركاتي مااحب هالشي لجل هالشي اقعد بعد يم الجدار احلا شي..


* كم مره كتبتـٍ/ي تعهّد أو مخآلفه ؟!. لمآذآ ؟!. < ياللـٍه

كحيلان...!!
مرة وآحدة وكانت في الصف الثاني ثانوي وسببها أن معلم مادة التاريخ ذكر لنا
معلومة استغربتها وكأني غير متأكد منها فقلت له يا استاذي الفاضل اظن أن
ما ذكرته يختلف عن ما في الكتاب فقال لي وكيف قلت أنك تقول كذا والصحيح
كذا فقال لي سبحان الله طالب يصحح لمعلمة فقلت لست أنا من يصحح عليك
ولكن قرأتها البارحة ومتأكد مما قرأت فقال لي اخرج خارج الفصل وانتظر الى أن
أنتهي من الدرس فخرجت وانتظرت الى أن انتهى الدرس وبعدها اخذني لغرفة
المعلمين وقال لي ارني ما ذكرته في الكتاب واريته ذلك فقال أنه نادرآ ما يعود
للكتاب لأنه منذوا سنوات عدة وهو يدرس التاريخ فقد يكون حدث نسيان منه
فقلت مؤكد ذلك فقال لي لكني لم اتقبل ما ذكرته أمام الطلاب وسوف تعتذر
لي عن ما حدث وتقول أنك كنت مخطئآ في ما ذكرت فرفضت ذلك وقلت سبحان
الله تقول لي ذلك فقال نعم كي لا يتطاول أي طالب على معلمة فرفضت الإعتذار
واخذني الى الإدارة وشرح لهم ما حدث ولكن تغير بعض الكلام وحملني الخطأ واخذ
على تعهد من الأدارة واصبحت اقراء الدرس قبل أن يشرحه المعلم ولكن لم ما حدث
بيننا الإ عدة آيام وبعدها ذهبت لأعتذر له فتقبل ذلك مني واصبح يعاملني معاملة
خاصة تختلف عن بقية الطلبة





لحظه عذرا من الجميع انا ارد الحين على كلام كحيلان اقتبست رده واحذف كلامه
واكتب كلامي بعده لجل اعرف صيغة الاسئله..
غريب تصرف كحيلان ماذكر بحياتي اني اعتذرت من معلمة مستحيل لو تنطبق
السما عالارض لاني اعرف اني مااغلط على احد هم اللي يغلطون وينافخون بعد
وياكثر ماتهاوشت مع معلمات اوووووه وياكثر مادشيت الاداراه لجل تعهد
اكثرها كانت لاني مخالفة ومره من المرات معلمة الجغرافيا العتيبيه الله
بس ماراح اقول..
هذي الانسانه مادري ليش تكرهني مره امتحنتنا امتحان وفي سؤالين بالكتاب
متشابهه والفرق بينها ان هذا ثلاثي الاقسام وهذا ثلاثة اقسام مع اني
احسها نفسها بس مادري شسالفه..كنت حاسه انها تبي تضيعنا وراح تجيبه
وفعلا جابته بس انا وكل الممتازات حلينا السؤال واللي نص ونص اعفسوا فيه
ووقت قالت الدرجات نقصتني انا وكل اللي حليناه درجه قلت لها ليش ترا الجواب صح وطالعي
قالت لا انا قلت كذا وكذا فبركت لها كلام حاقده ليش مادري..!!
وقلت لها وربي صح ارفضت وارفعت صوتها علي
انتي تعلميني بالمهنهج ترا هذا بالته وشاربه مويته صامته مو انتي اللي تعلميني
تفاجئت وقت ارفعت صوتها ااااااااه عاد كل شي ولااحد يرفع صوته علي حسيت اني
بموت وبنفجر من حركتها وقلت لها وربي ماهتمني الدرجه ولاكان زعلت عليها لو اني
بجد ماانتبهت بس دام صح والله لاخذها تمينا نتهاوش ونزلتني الاداره والاداره طبعا
لاتفكر تنزل لها لان مهما صار اهيا ضد البنات هاوشتني الاداره واطلبت مني اعتذر لها
واكتب التعهد قلت لابكتب ولابعتذر دام انا مو غلطانه هددتني انها راح تخسفني بالسلوك قلت
ماراح اقول شي لكن وربي مااكتب تميت مصره وقلت انا بعرف شلون احلها..وطلعت وطقيت
الباب بقوه من كثر حرتي وانحلت وقت كلمهم خالي واهوا من التربيه بعد مامت وانا اترجاه
يكلمهم وانحلت بس الاداره والمعلمه احقدوا علي واهيا ماصارت تكلمني بس بالطقاق
اللي يطقها اهم شي درجاتي توصلني ولاني مقصره بالماده..

بعدني مستغربه من موقف كحيلان..:
ليش تعتذر واهوا الغلطان اوك اعتذر لكن لاتنسى ان اهوا فبرك القصه وجعلها
ضدك..ايه صح نسيت انتهينا شي راح وانتهى..



*كم مره إنطردتـٍ/ي من الحصه ؟!. لمآذآ ؟!.

يمكن 3 مرات مره بالموقف اللي قلته الحين اطردتني وبعد ماخلصت من
التصحيح اطلعت معي ومره وقت صححت المعلومه لمعلمه اقتصاد وقت قالت
معلومه عن الموت وانها تخفف العذب لو نعمل هالشي وهاوشتني ليش افتي
ياربي هذا عيب المعلمين ياوزاره التربية والتعليم لاتتركون المعلم اكثر من سنتين بمنهج
واحد لانه يقعد حافظه اهوا فقط ولايتطرق لتغيير المناهج وحنا اللي نبتلش وقت نجاوب بحصه
او نرد على سؤال بالورق..
ومره كانت لاني تأخرت عن الحصه..






*عمرك آتهزّأتـٍ/ي من مدرسّك/مدرّستك ؟!. لمآذآ ؟!.

انا مااتهزا الا اذا رديت على معلومه لحظه هذي مو لقافة ومالي حق اتلقف على المعلمه
ولاهي ذووق اذا رديت وقاطعتها والمعلمه تتكلم انا اقصد ان في معلمات يقولون معلومات مو صح
احيانا ومااتكلم الا اذا انا متأكده يااما قريتها او احد قال لي عنها والتهزيئه اللي ماكان نسيتها
بالبلاغه وقت كانت تتكلم المعلمة عن طه حسين وعن سيرته الذاتيه وتقول ماصار له
كم سنه ميت قلت لها يعني كم قالت يمكن 18 او 20 سنه سكت ومادري ضحكت
على كلامها قلت لها صار له اكثر من 30 سنه وتقريبا توفي يا في..
عام 1973 او 1975 على حسب مااذكر بس اعتقد الاولى صح..
ويقولون بعد انه مات على الكفر بحيث قال: اعطوني القلم الاحمر كي اصحح القران.
وبعد كان اعمى..
تنرفزت والبنات كانوا يناقشوني وقالت طلعي برا بسرعه انصدمت قلت ليش
قالت طللللللللعي ابتسمت مع مشية ثقه وطلعت..
مالت شكلها انقهرت كان لازم تشاركني وتشارك الطالبات ودام اهيا تتفلسف غلط
كان خذت معلومات عنه واشرحت لادرس عدل مو تشرح اي كلام لاتنسى ان البنات
راح ياخذون بكلامها..


* هل سبق رسبت/ي بسنه ؟!. في آي صف ؟!. كم مره ؟!. لمآذآ ؟!.

لا ولله الحمد..


* كم مره هربتـٍ/ي من الحصّه ؟!.
وإذآ هربتـٍ/ي صآدوكـٍ/ي ولآ لآ ؟!.

مااذكر مادري انا هربت او لا..ماادري بس يمكن هربت ومافي احد
يقدر يلطشني..


*كم مره نمتـٍ/ي في الفصل ؟!. <<< اتوقع كل شباب المنتدى سوها أما البنات لا
واذا عدي واغلطي.. في اي ماده اكثر شي تناموا؟!.


ولامرة اذكر اني نمت بالفصل ولااحب هالشي اول شي ازعاج
ثاني شي احس ماكان قدرت انام وانا قلقانه لااحد يدخل علينا
والوقت والوضع بعد مايسمح..



*إنتـٍ/ي في مدرسه أهليّه ولآحكوميه ؟!.

لا في مدارس حكومية





*في حدآ بالمنتدى معآكـٍ/ي في المدرسه ؟!.


امبلا اعرف عــهــد كانت معي..
وسنا الفضا بنفس المدرسه بس مو بالسنه الدراسيه..


* موقف صآر لك/ي في المدرسه ومآتنسآه/تنسيه ؟


اكثر المواقف اللي ماراح انساها مواقف تكريمي احس بالنجاع والتفاؤل
واحس بكل التعب اللي تعبته..
لحظات انتصاري وفخري بذاتي..
اما مواقف المعلمات اقطها ورا ظهري ويادراه مادخلك شر
ومااحب اعطي اهتمام لاي شخص يكرهني او يوقف لي عالدقه..



كانت طاولتك بالمدرسه نظيفه وإلا تخربش عليها؟!
وشنو أكثر شي كنت تكتبه عليها ؟

لاطاولتي مو نظيفه وايد عليها كم شخبطه احب اكتب فيها اسمي..
بس بشكل راقي مو عفسة البنات بالخطاط والمزيل..


وفي الختام جدا سعيده بتواجدي هنا مرة اخرى وسعيده جدا
بالتعبيق خلف استاذي كحيلان..
ومشكورى تسوى عيوني على طيبك ودعوتي..
راح اختار امم محتارة بين ثنتين..اوك راح اختار الغاليه..خواطر اماراتيه..

وشكرا لكم وعذرا اذا ثقلت عليكم..^ـ^..


يا رب لا تَحرمنَــا أمنيـةً تُفرحُ قلوبنا ,
وتوبَـةً تَجلي هُمومنـا ...
وَفرجــاً يكشـفُ الكَرب عنّا ..
...
وَ جنّةً فِـي أُخرتنا
وَرضا مِنـك عَلينـا
..
آميـن ♥