منتديات الأماكن - عرض مشاركة واحدة - مدرســتك تحـت آلمجـهـ ـر

22-04-2011, 11:42 PM

المشاركة 39

¸.خَوْاطِر إِمَارَاتِيْه.¸



رد: مدرســتك تحـت آلمجـهـ ـر

[/cell]

السلام عليكم ورحمة الله وبركاته
تحية طيبة ابعثها من قلب يحب الخير للجميع
بسم الله أبدأ،،،،،

كم نسبتك العـأَإم الماضي او الثانويه العامه..>> يالله طلعوآ الفضآيح ؟!.
نسبتي كانت 78%

* كم ترتيبكـ بالعآدة؟!.
بكل فخر ترتيبي يكون من13 وفوق ^_^_^_^

* ماهي مادتكـ المفضله ؟!.
صراحة مازلت لين هاليوم أحب مادة الرياضيات والفيزياء بشكل جنوني

* تحبـٍ/ي تذآكرـٍ/ي من الدفتر ولآ الكتآب ؟!.
من الأثنين

* هل إنتـٍ/ي من النوع اللي تحبـٍ/ي تشخبطـٍ/ي عَـ الكتب والدفأإآتر ؟!.
من كثر ما اشخبط على كتبي رسمت خريطة بشكل غريب ما يفهمها حد غيري

* إذا إنتـٍ/ي متخرجـٍ/ــة شو المرحله اللي حبيتها/حبيتيها ؟!. لماذآ ؟!.
احلى مرحلة كانت عندي يوم كنت في اول ثانوي لاول مره في حياتي اعيش الشغب
والهروب من الصف لان الشلة اللي تعرفت عليهم حدث ولا حرج عصابة
^_^_^_^

* هل أنت/ي من النوع اللي يتكلم/تتكلم كثير في الفصل ؟!.
انا من النوع الهادي في الفصل بس عيبي اذا ضحكت ما اقدر اكتم ضحكتي واضحك من الخاطر
ولا افتكر لا بمدرسة ولا حد

* من آكثر معلم/معلمه حبيته/حبيتيهآ ؟!. شو يدرّس/تدرّس ؟!.
حبيت مدرسة اسمها هنادي مدرسة جيولوجيا كانت مبدعه في التدريس وفي توصيل المعلومة

* فين كـٍآأن مكانك في الفصل ؟!.
في الاخير

* كم مره كتبتـٍ/ي تعهّد أو مخآلفه ؟!. لمآذآ ؟!. < ياللـٍه
الله يكفينا الشر ولا مره كتبته لاني كنت دوم هاديه حتى يوم كنت
في اول ثانوي وكنت مشاغبة ما كتبت تعهد لاني اعرف كيف اخلص عمري

*كم مره إنطردتـٍ/ي من الحصه ؟!. لمآذآ ؟!.
مره وحده وكنت مظلومة بس الحياة حلوة كانت يوم تنطرد وتشوف اللي رايح واللي جاي وتسولف معاه

*عمرك آتهزّأتـٍ/ي من مدرسّك/مدرّستك ؟!. لمآذآ ؟!.
الستر زين ^_*

* هل سبق رسبت/ي بسنه ؟!. في آي صف ؟!. كم مره ؟!. لمآذآ ؟!.
ما رسبت ولا مره بس كان لي دور ثاني في الاحياء وعدت المادة في الدور الثاني ونجحت

* كم مره هربتـٍ/ي من الحصّه ؟!.
وإذآ هربتـٍ/ي صآدوكـٍ/ي ولآ لآ ؟!.
صراحة شردت وايد يوم كنت في اول ثانوي
لان الشلة اللي تعرفت عليهم
فنون واساليب لا يستهان فيها في الهروب من الحصص

*كم مره نمتـٍ/ي في الفصل ؟!. <<< اتوقع كل شباب المنتدى سوها أما البنات لا
واذا عدي واغلطي.. في اي ماده اكثر شي تناموا؟!.
استوى هالامر معاي مره وحده ويا حسرة استوى
لي في امتحان الكيمياء وبصراحة مستغربة لين هاليوم ليش صار هالشي

*إنتـٍ/ي في مدرسه أهليّه ولآحكوميه ؟!.
ما لنا غنى عن الحكومة

*في حدآ بالمنتدى معآكـٍ/ي في المدرسه ؟!.
واذا فيـٍه افضحيـٍه بوقف صآر معـٍه
للاسف محد معاي ولا اعرف حد

* موقف صآر لك/ي في المدرسه ومآتنسآه/تنسيه ؟!.
يوم كنت في ثالث ثانوي كانت ادرسني مدرسة اسمها ليلى
وهي مدرسة فيزياء صراحة على كثر حبي للمادة هي كرهتني فيها
لا اسلوب ولا طريقة تعامل حلوة مع الطالبات
مره من المرات فشلتني الله يفشل العدو طلبت مني اني اذكر
قانون لحل مسأله انا ذكرت القانون كامل بس نسيت اقول اوس اثنين
الله يسامحها خلتني انسخ القانون 50 مره بس
انا صراحة نسخت القانون 20 مره بس وخليت اخوي الكبير
يجي معاي المدرسة واسطة عشان ما تقدر تتفلسف او تقول لي شي
فديت اخوي عزني ورزني

*كانت طاولتك بالمدرسه نظيفه وإلا تخربش عليها؟!
وشنو أكثر شي كنت تكتبه عليها ؟!
كنت استخدمها وقت الضرورة في كتابة أي شي راح يفيدني في الامتحان ^_^_^_^

شكرا جزيلا للغالية

لجيــــــن
اختار من بعدي
العيـــار
احترامـــــــي
خواطر إماراتيـــة

رد مع الإقتباس