يعني لو ارحل واباعد تعتقد اني نسيت=لاوربي مانسيتك يابعد كل الوجود
طيفك يراود خيالي لاضحكت ولابكيت=عايش ٍ دايم في بالي مانويتك بالصدود
منهو
غيرك صار يسمع شكوتي لامن شكيت=منهو
غيرك مد كفة بأجمل واحلى الورود
منهو
غيرك يعتنيبي لامرضت ولاصحيت=منهو
غيرك صار همه كيف اروح وكيف اعود
منهو
غيرك يحتريني كان في لحظه بطيت=منهو
غيرك حث قلبي للتحدي والصمود
منهو
غيرك ترجف ايده لازعلت ولارضيت=منهو
غيرك عاف زادة لجل حبيله يزود
منهو غير امي يفز ويذكر الله لاحكيت=يوم انا طفل ٍ صغير ٍ وفي عواطفها تجود
منهو
غيرك يبتسملي لو بخلت ولو عطيت=منهو
غيرك لاظهرت يخاف من عين الحسود
منهو
غيرك منهو غيرك منهو غيرك ماهقيت=ماهقيت الا عيونك تنتظرني بالوجود
انتي اجمل حب عشته دام في الدنيا حييت=وانتي اروع حب بالاوطان ماحد بحدود
وانتي القمرا بدربي في ظلامي لاسريت=وانتي الحب المخلد في سجلأت الخلود