ياللي معك زانت اصدوفي=يومن الوف وأنتي اتلوفـي
ياللي معك صرت أنا عاشق=ياللي معك صرت مكتوفي
ما عادني اليـوم متغـرب=لو كنت للغربة منصوفـي
للحب خلك نـذر نفسـه=وأنت على العشق مخلوفـي
أن قلت أحبك تبي بعـدي=وأن قلت مجنونك اتعوفـي
ياللي بحبـك أنـا ماشـي=وأتنفسه وأنت لي شوفـي
وإذا على الجرح بتواصـل=اجرحني بعماقي وجوفـي
وإذا أنت بالموت بتحبنـي=موتنـي ودفنـي بسيوفـي
وإذا أنت بالصد تهجرنـي=يالله عسـا فينـي تروفـي
وإذا تحسّبـنـي أتـغـلا=فالبعد قدر. لـي ظروفـي
حيرتنـي فيـك يالغالـي=وأنت مع الناس معروفـي
علامك اتعيـق بـي قلـي=من عيقتي ملـت بوقوفـي
لا تخلنـي انـدم بحاجـة=واصفق على الحزن بكفوفي
وإذا أنت في حبنا خائـف=مو كثر ربكاتـي وخوفـي
ما للهوى ناس مـا توفـي=وما للوفا اجبون واضعوفي
ما تشوفني فيك أنا هايـم=هايم وأنا فيـك متلوفـي
وإذا أنت خايف من العاذل=ما هبتهم لو هم اصفوفـي
خلك معي وابشر بسعدك=وأنا معك ببشـر بنوفـي
وأبيـك تعشقنـي بكلـي=يا كامل الزين ووصوفـي
وأبيك ترمينـي بحضنـك=وفحبنا تكـون ملقوفـي
وأبيك تضحك على العاذل=وتقول ما عـاد بحسوفـي
وتخلنـي حبـك الجـمّـا=وتصدقني بقلبـك وتوفـي
وأصير أنا عاشقك كلـك=وأصير أنا لقـاك ملهوفـي
وإذا أنت مـا ودك بحبـي=وأنا اللي فالحب مجروفـي
يعيـن ربـي وأنـا بصبـر=حرمة أحب ثاني بصدوفـي