الموضوع: اخبار لقاء شباب الاماكن ( 2 )
عرض مشاركة واحدة
قديم 18-03-2011, 11:22 AM
المشاركة 16
الصورة الرمزية كحيلان11

 

  • غير متواجد
رد: اخبار لقاء شباب الاماكن ( 2 )
حبيّبي شمالي

يعطيك العافية على طرح الموضوع وما شاء الله طرحته بشكل سريع حار بحار يالغالي
طبعا مثل ما قال لكم شمالي جيت ويالله حصلت موقف لسيارتي واخر شيء وقفت
في مواقف مبنى الفيصلية وانا ما ادري انها الفيصلية ونزلت من السيارة ابي اروح
لمقهى كوستا وانقلب راسي ما ادري وين اطلع معه واخر شيء طلعت الاصنصير
وفتح وطلعت منه وتفاجئت باللشيء شفته قدامي وهو سوق كبير في عالم وبشر
بس اللي شدني اللي شفته من كثرة النساء وكشفهن وبصراحة انصدمت واتصل
علي شمالي يقول وينك قلت والله ما ادري ويني فيه بس اللي اعرفه اني في سوق
كبير وسئلت حارس الأمن قلت له وش السوق هذا يالغالي قال هذي الفيصلية قلت
معقوله الفيصلية لأني ما قد دخلتها في حياتي ولا مرة بس بصدق شيء عجيب اللي
شفته وقلت ابي اروح لمقهى كوستا ووصف لي بس ما عرفت واخر شيء وقفت عند
محل وقلت للعامل وين اروح لمقهى كوستا معه ووصف لي بس تعرفون المبنى كله
جديد علي وانقلب راسي من اللي شفته فيه وما قصر الله يجزاه خير مشى معي
الين وصلني المقهى بس وهو يمشي معي سئلني قال لي انت من وين قلت من
الرياض قال كيف ما فيه معلوم مبنى الفيصلية انت وين سكن وقلت له وين ساكن
واخيرآ وصلت للمقهى وانا افكر كيف بوصل لسيارتي في المواقف ؟
ودخلت المقهى وصلت شمالي والعطشان جالسين وسلمنا على بعض ولأول مره
اشوف العطشان وبعدها جا خيالك وبعده الحر القطامي وراكو واخر من جا جنتل الرياض
وبدينا في السواليف وتبادل الأحاديث بينا وناقشنا بعض الأمور اللي تصب في مصلحة
المنتدى والأعضاء واتركها لأخي شمالي يذكرها بنفسه
انطباعي عن كل ممن حضر وتشرفنا برؤيته
1/ شمالي وش اقول في الزين كله وش اقول اخلاق وطيبة وحبابة ورحابة صدر وكرم
وطبعآ قد شفته قبل المره هذي يعني عارف شكل شمالي زين يلبس نظارات
2/ العطشان إنسان يغلب عليه السكوت والهدوء بس ما توقعيت شكله مثل ما شفته
يعني التخيل شيء والواقع شيء اخر يبلس نظارات اسمراني يستعمل البسحه ودخلت
معه في نقاشات وسلئته سؤال استغبت رده علي فيه وقلت معقوله هذا العطشان
3/ خيالك إنسان هادي حبيب فديت هدوء يلبس نظارات يميل للنحف ابيضاني اكثر واحد
ساكت يالبى قلبه والله ينحب
4/ الحر القطامي إنسان شاعر بمعنى الكلمة ويكفي أنه جاي وضارب مشوار عشان
نشوفه ونجتمع فيه السبحة ملازمته كثير يلبس نظارات ابيضاني
5/ راكو إنسان هااااااادي ولا عرفت انه راكو الإ في النهاية شباب حبوب ابيضاني
6/ جنتل الرياض إنسان هادي اختلفت معه في بعض النقاط اللي تصب في مصلحة
الأعضاء بس هذا الإختلاف لا يمكن يغير مكانته عندي ابيضاني
7/ كحيلان11 إنسان متحدث واكثر من تكلم في الإجتماع ابيضاني وهو اللي تكلم عن
تصوير من حضر الإجتماع ورفضته أنا والعطشان وبعدين قلت إن فيه أعضاء يبون يشوفون
من حضر الإجتماع بس في الأخير قلت أنا ما عندي مانع نصور ونكتب على كل وآحد
اسمه في المنتدى عشان الأعضاء يشوفون بس العطشان رفض
وطبعآ لا بد من التحدث عن بعض الأعضاء في المنتدى بس ما جبنا سيرتكم الإ بكل خير
وإن كان فيه أي شيء قلنها في حقكم ياليت تعذرونا وتسامحونا بس آهني منتدى الأماكن
بوجود إنسان راقي وفكر جميل مثل شمالي واقول اكرمك الله يابو يزيد وما قصرت وعنيتك
معي عشان توديني لسيارتي لأنك لو ما وديتني لا يمكن اقدر اوصل لسيارتي
وختامآ اشكر كل من لبى الدعوة وحضر والشكر لا يكتمل جماله ولا يفوح عطره الإ بتقديمه
لكل من تابع هذه الصفحة ووفق الله الجميع لما يحبه ويرضاه

وجودنا يغني عن التوقيع