الموضوع
:
قروبات أم شِـلل ..؟!
عرض مشاركة واحدة
08-12-2009, 01:58 AM
المشاركة
28
عضو له مكانه في قلوبنا
تاريخ الإنضمام :
Apr 2002
رقم العضوية :
127
المشاركات:
6,276
رد: قروبات أم شِـلل ..؟!
اقتباس المشاركة الأصلية كتبت بواسطة المانشستراوي
ســعــد
...
الله لآ يمسيـك إلا بكل خير ورضى ...
أحيّي فيك صرآحتك المعتـآدة ...والجريئة من أجل حب الأماكن ورقيّها...
ولكن ...أختلف معك قليلآً...
شوف أخوي العود
...الشللية مـآ أحد ينكرها بالمنتدى ...وهذا الشيء من قبل فكرة إنشاء المجموعات ...وأنا هنا ما أدافع عن المجموعات ..لكن لآحظ..
أنا مشرف أقسام الألعاب و ( الهمز واللمز ) وأعترف بأنها منبت الشللية بالمنتدى ..إن وجدت
ويمكن أكون أكثر واحد يلآحظ الشللية بقسم اللآند بالذات ..ومنه تتطور للأقسام الأخرى <<
مايتبرى من قسمه ترى ..
لكن كلآمك إذا كان منصبّآً على المجموعات بالذات ..فهذا الكلام سابق لأوانه من وجهة نظري ...
أما إذا كلامك عن الشللية بشكل عام بغض النظر عن المجموعات فأنا معك بـصحة إنتقادك ..
ماننكر إن المجموعات تظم أكثر شي المشرفين والمشرفات ....يعني طاقم إداري بالمنتدى ..ويهمهم أمر المنتدى وتطورهـ...مع أنهم حتى الآن لم يقدموا الشي الكثير ..وهذا راجع لعامل الوقت ...فكلنا بالبداية..
يعني ..خل نصبر شويات ..ونشوف نتائج المجموعات ...
فإنتقادها الآن(
المجموعات
) قد ينعكس سلباً على عطاؤها ..
أحييك سعد مرة ثانيه على بياض حرفك وقلبك وصدقك
وأتمنى تتقبل رأي أخوك القعدهـ بصدارة رحب
يخليك ربي ويسعدك ...
( ويكافينا شرك )
أهلين
صديق روني
والله لا يصبحك الا بالنور والسرور
الشر برا وبعيد يا سي مغاوري .. يا شيخ الغفر
.. ما فيه الا العافيه ان شا الله .. الدعوى كلها مصارحه .. بس بدون مطارحه
وأنا بعد أحيي فيك حب الصراحه والمناقشه والمناغشه .. وحب الوطن والأماكن
عادي وأنا أخوك نتفق في الراي .. نختلف .. المهم نحتسي بصراحه .. وكل واحد يقول اللي بخاطره ومقتنع فيه .. وفي الاخير .. كل واحد يصلح سيارته
قصدي .. بدون زعل .. وبدون ما نشيل في أنفسنا زي بعض ناس .. ولا تقولون من قصدك .. لأن فيه ناس زعلوا من غير اللي شاركوا بردود وما عجبهم الموضوع ومروا عليه مرور الكرام .. وهذا شي راجع لهم طالما ما عندهم شي يقولونه
اوتسيه طيب.. بأعطيك جوك .. وبأسوي نفسي أكبر منك .. وأقول يا أخوي القعده
بس شف عاد .. الشلليه .. أتفق معك .. وأبصم لك بالعشره .. وتبيني أغنيها لك غنيتها << عشان ينحاشون الباقين
>> إنها موجوده في المنتدى قبل إنشاء المجموعات .. أو حتى التفكير في إنشاءها .. هذا شي ما نختلف عليه مرتن أبد
أنا تعمدت أركز على المجموعات في الموضوع .. بحكم مسئوليتكم كمشرفين ومفترض .. وهذا الشي انتم عارفينه بدوني .. إنكم تسعون لتطوير المنتدى .. وتحاربون الأشياء السلبيه وعلى راسها الشلليه
إضافه إلى إن بعض .. وتمقّل زين وركز على كلمة ( بعض ) .. لا تدرعم وتصير مثل غيرك اللي طنشوها واعتبروا المقصود الكل .. قلنا ( بعض ) المشرفين أو المشرفات .. الله يهدينا وياهم .. يساعدون في هالشلليه وتزايدها .. بقصد .. بدون قصد .. الله أعلم
وما راح ندخل في النوايا .. لكن بنفترض حسن النيه .. ونقول .. بدون ما يحسون
عشان تسذا .. قلنا ما يمنع التنبيه على هالشي .. لأجل يتداركون المشكله .. ويحسّـنون خطهم شوي
وصدقني .. أدري إنك مشرف ومراقب قسم اللاند منذو مبطي .. وملاحظ زيك وزي البقيه .. وأتفق معك أيضا .. إن الشلليه تتكون في قسم اللاند .. او قسم ( الهمز واللمز ) زي ما تسميه .. وتنطلدز منه الشلليه لباقي الأقسام
وعلى فكره .. من ضمن الأقسام اللي صارت تنطلدز لها الشلليه من اللاند وتغزوها .. وبدت توضح بشكل كبير .. هو
قسم المدونات
ومحاتسيك عنده موضوع ثاني في الطريدز .. راح نهل فيه السبحه .. ونجيب الطعه
.. بخصوص بعض اللي يصير بالمدونات .. والله يعين على نتايج الصدز والصراحه وما تسوي
ويمكن تلقى اسمك مكتوب
وأنا أحييك بعد على هالاعتراف الشجاع .. طبعا ما له دخل في مسلسل الرجل الشجاع
.. لكن صدقني
الاعتراف بأي مشكله هو الخطوه الأولى لحلها
ونرجع لموضوع المجموعات .. لو افترضنا إنه تقييم لعملكم فيها .. فمعنا حق
لأن المجموعات لها شهرين تقريباً .. واللي نشيط منها مجموعه مجموعتين .. وبموضوع موضوعين فقط
ولو نروح نشوف منتديات ثانيه فيها مجموعات مثلا .. راح نلقى المجموعه الوحده لها في الاسبوع على الاقل موضوع .. موضوعين .. إذا مو أكثر
هنا اللي نلاحظه .. إن حتى المجموعات اللي نقول تشتغل .. ما فيه الا عضو .. عضوين .. ثلاثه إن كثروا .. نشيطين ومتعاونين مع بعض
وفيه مجموعات .. تحس إن بعض أعضاءها مغصوبين عليها .. ومحطوطين بدون رغبه .. ما تشوفهم يفزعون مع باقي المجموعه أبد
اللي يتسدح في اللاند
واللي يتمشى في الأقسام الثانيه .. هذا إن حضروا
لكن نرجع ونقول .. موضوعنا مرتن أخرى .. موب عن تقييم عمل المجموعات
ولكن في الأساس عن الشلليه ومشاكلها .. اللي صاير بأسبابها تكتلات وتحزبات بدون داعي .. بس لإنها إنبنت على المجاملات بين بعض ناس على حساب ناس ثانيه
رايك لا شك إنه كان داعم للموضوع
.. وصراحتك فيه مهمه .. لاجل يعرفون ( بعض ) المخيمين في اللاند إن حتى مشرفهم ملاحظ عليهم
وبعدين تعال انت .. تبغانا نقلبها حصة إملاء مدري تعبير .. اسمها .. رحابة صدر .. موب صدارة رحب
شكلك مشارك في ذاك الدوري اللي حاطين حول ملعبهم كفرات دداسن ومكسرين قزاز عشان محد يفحط فيه .. ومتصدر دوريهم .. عشان تسذا حطيتها صداره
مشكور على سدح رايك .. ومصارحتنا بشي من اللي يصير في أحد أقسامك المزحومه
.. تحس إنك أحيانا من زود الزحمه ودك تسحب لك ليّ من ليات الدفاع المدني وتفتح عليهم خرطوش المويه عشان تفرقهم ويروحون لأقسام ثانيه يشاركون
<< يا ويلك واقتراحاتك
بانتظارك وارائك متى ما خمتك وفكرت في شي يجيب العيد
يسعدك ربي ويوفقنا وياكم في الدارين
دمت بود وألف خير
™ تشاوو .. يرحمكم الله
رد مع الإقتباس