الموضوع: مُبْتَسِمٌ ومُتَفَائِلٌ
عرض مشاركة واحدة
قديم 11-07-2010, 08:44 PM
المشاركة 26
الصورة الرمزية المبتسم
المبتسم
عضوتربع القمه
  • غير متواجد
رد: مُبْتَسِمٌ ومُتَفَائِلٌ
سلام عليكم

هلا بكم

وشلونكم

أبشركم شريت جوال

ماراح أقولكم عاد وش نوعه

شوفوا هو يعمل باللمس .. يمكن نوكيا .. يمكن سامسنج .. يمكن آآآي فوووون

ههههه

لا مو آي فون .. ولو أني ما تراجعت عنه إلا في اللحظات الأخيرة

عموما

أنا أول مرة أستخدم جوال يعمل باللمس .. وبصراحة مرة حلو .. أحد أصدقائي يقول ما عمري شريت جوال إلا لمس

ما ألومه .. جدا مريح وحلو ..

هذا الأمر الأول..

الأمر الثاني :

لحظات تعيسة مرت بي قبل في هاليومين الماضيين

كنت أمشي بالسيارة على طريق خريص ومبسوووط

فجأة تعطلت السيارة !!

بصراحة موقف لا أحسد عليه .. >>> تتعطل بخريص وبهالجو !! عذااااب

المهم طلعت على الخدمة.. وقفت السيارة
مدري وش جاها

انتظرت مرور سطحة أشيل السيارة للورشة .. وبحثت عن أرقامهم وجلست أتصل عليهم

يمكن قرابة 30 سطحة اتصلت عليهم ولا واحد تجاوب معي

واحد يقول مكانك بعيد !! >>> لا ياشيخ

والثاني يقول أنا مشغول بس برسلك صديقي معه سطحة !! ولا حس ولا خبر !!

والثالث يقول خذ هالرقم اتصل عليه قريب منك .. وخذ من هالتصريفات ..

بصراحة وقفت حوالي ساعة .. وكان الجو حااار وسموم ..! الله يزين الجو

المهم مليت وصدعت .. وقفت ليموزين .. ركبت .. وقعدت أسولف معه ..

قالي تبي أوصلك لمواقف السطحات ؟

وأثري زهقااان مرة .. قلت لا خلاص ودني للبيت بس .. لاحقين خير ..

جيت للبيت تعبااان .. جلست ارتحت شوي .. رن جوالي ..

صديقي : هاه وش سويت ؟

قلت : ما سويت شي ، مليت ووقفت السيارة ع الشارع وجيت للبيت ..

صديقي : طيب خلك جاهز شوي وأمرك .. جاء ورحنا على قولتهم نتمشى ونتعشى

من بكرة رحت مع صديقي وأخذنا معنا السطحة وشلنا السيارة للورشة ..

دوشة هالصناعية القديمة ,, وقطع الغيار .. قلق

أن تقضي نصف يوم في الصناعية وبهالجو .. ثم في نفس اليوم بالليل يصير عندك ارتباطات عائلية ومناسبات ترجع متأخر مرررهق.. ثم عمل وقلق .. بصراحة تعاااسة

تجي الظهر من العمل ما تشوف الأرض على قولتهم ..

ثم تدخل هنا وتشوف بعض الردود الي ترفع الضغط


ههههه

توي أدرك أهمية نصيحتك يا من قلت ( وش لك بوجع الراس ) ؟!

ههههه صادق

بس بصراحة أحيانا تستفيد


أحس أني قرقت عليكم وسولفت سوالف ماتعنيكم صح .. ؟

طيب هذي مدونتي الخاصة .. وش دخلكم

ههههههه

شاكر متابعتكم جميعا ..


الله يجيب العواقب سليمة

وإلى اللقاء يا أحبائي ..