انا راضي اخاوي الموت ولا مثلك يخاويني ؟؟؟
بسم الله الرحمن الرحيم
أخيرا جيت يا شاطر رجعت مخاوي الونات
خضعت ودمعك الثاير على الوجنة يناديني
::::::::
عرفت الحين مقداري دريت اني على النيات
ولكن مامضى ماضـي وانا لحاضر عناويني
::::::::
نسيت يومك تبكيني نسيت كلمة عديم الذات
نسيت يومي اغص باسمك وعلى الغصه تهنيني
::::::::
خساره طحت من عيني غدت ميزتك لي سيآت
شطبتك من كشوف الحب ودمعي لك يواسيني
::::::::
صحيح القلب من هجرك كساه الهم واللوعات
ولكن عزتي ترفضــك مهما تصافحك عيني
::::::::
نسيتك قالها قلب يعاني لحظة السقطـــات
وعلى نعش الهوى كلمة نسيتك من شرايني
::::::::
خلاص مرحوم شيعته بصمتي واندفن بسكات
تقبلــت التعازي وانت ولا فكـرت تعزينـــي
::::::::
وجايني اليوم متأسف عقب ما تاهت الخطوات
عقب ماذابت عروقـي وليل الياس طاوينــي
::::::::
عقب كسرت خواطرنا تبيني ارجع.. محال ،، هيهات
انا راضي اخاوي الموت ولا مثلك يخاويني ..
تحياتي / شوووق
hkh vhqd hoh,d hgl,j ,gh leg; doh,dkd ???
كل الشكر للغاليه ...
شيطونه
ربي لايحرمنا منك ...
من بغى يمشي بجنبي لاجل يوصل (مستواآآي)
بلغه خاآآلص تحياتي وقله (يستريح)
ok ياقمر
التعديل الأخير تم بواسطة (...شوووق...) ; 07-10-2012 الساعة 12:57 AM