الموضوع: :.. أنفآس التعب ..:
عرض مشاركة واحدة
قديم 18-11-2008, 11:38 PM
المشاركة 55
الصورة الرمزية تعبت أسافر
  • غير متواجد
رد: فضفضة الصمت
كثير اللي يخون الود ويعنـي لـو تخونينـي
أنا أدري ويش ضيّعني شعوري و طيب نياتي
لعبتيها معايا صـح عرفتـي كيـف تنهينـي
عرفتي للأسف وشلون أبـدى فـي نهاياتـي
تعالي و إحسبي وياي .. كم مـرّه جرحتينـي
و ربي ما عرفت أرتاح ويني و وين راحاتـي
إذا به جـرح ناسيتـه جديـد و لا هديتينـي
وفيتي و حيـل كفّيتـي تفننتـي بصدماتـي
طرفت العين بصباعي .. صحت وقلت ياعينـي
تبين أقطع يدي من شـان ورّتنـي معاناتـي
تبين أضحك على نفسي و أقول إنك وحشتيني
صحيت و صار من حقي أراجع في حساباتـي
وعِدْت وليتني مـا جيـت الله كـم بهرتينـي
طرت و كِـنْ هالعالـم و لاشـي بمداراتـي
همت بوقتها و الناس مدري وينهـا و وينـي
مشيت لخاطر العشـرة لأبعـد مـن مسافاتـي
أنا أدري وين هالأيـام و الطيبـة تودينـي
على الله تضحك الدنيا و تصدق بعض هقواتي
خدعتيني تبين الصـج إنتـي مـا خدعتينـي
أنا اللي قلت لي كذبه مصدقها على شفاتـي
وفيتي ما وفيتي لي .. تساوت كلهـا بعينـي
دخيـل الله خلينـي أنـا تعبـان فـي ذاتـي
فهمتينـي لا و الله عمـرك مــا فهمتيـنـي
و لا تفرق معاي اليوم هاتي من الألـم هاتـي
كبيره حيل في حقـي طفلـه ولعبـت فينـي
و لكن وش نقص أو زاد غلطة فـي ملفاتـي
خسرت هـذي الدنيـا يعنـي لـو تخونينـي
أجل بعدين كيف أربح لو ما أحسب خساراتي