الموضوع: وقفة للتامل مع الخالق والمخلوق
عرض مشاركة واحدة
قديم 15-09-2008, 09:24 PM
المشاركة 3
الصورة الرمزية **جرووح طفله**
**جرووح طفله**
عضو عطاءه غير
  • غير متواجد
في البداية راح أذكر شيئ بسيط

من كام يوم خرجت مع صديقتي ..

وكنا بنتمشى في مكان عادي جدا ..

بس ميزته إنه مليان أشجار .. الأشجار محوطاه من كل مكان ..

الكلام ده كان قبل المغرب بثلث أو ربع ساعة ..

واحنا بنتمشى صديقتي قالتلي سامعة صوت العصافير ؟؟ ..

فعلا كان صوت العصافير هو اللي طاغي على المكان ..

أصوات رائعة وعشرات بل مئات من العصافير بتطير من شجرة لشجرة ..

قلتلها أيوة .. سبحان الله ..

وبعدين سألتني سؤال غريب جدا .. وتقريبا هو اللي كان السبب في إني أكتب عن الموضوع ده ..

سألتني تفتكري ليه صوتها بيكون واضح جدا في الوقت ده وكمان مع شروق الشمس ..

ولو كنا بنفهم لغتهم تتوقعي بيقولوا لبعض إيه ؟؟

قلتلها بتلقائية : الصبح طبعا كلهم بيسعوا في الرزق وبالليل أكيد كل واحد راجع فرحان بالرزق اللي ربنا رزقهوله ..

قالتلي .. بس انا بقى فكرت في غير كده ..

الوقتين دول غالبا الناس بتكون غافلة عن ذكر الله .. ياإما لسة صاحيين من النوم .. ياإما مشغولين بأشغالهم ومش فاضيين .. ياإما .. ياإما .. فعشان كده ربنا بيلهم العصافير ذكره في الوقت ده بالذات .. يمكن عشان يفكرنا ويمكن لأن العصافير نفسها بتشكر الله فعلا زي ماقلتي ويمكن الاتنين ..

سبحان الله .. صديقتي قالتلي الكلام ده بتلقائيتها المحببة ,,

بس فتحت لي باب يمكن ماكنتش هفكر إني أدخله لو ماسألتنيش السؤالين دول ..

باب التأمل والتفكر ..

التأمل ده حاجة رائعة ..

وهي صديقتي ربطت بينه وبين ذكر الله بمجرد إنها فكرت في السبب ومن غير قصد ..

ولكن ده حقيقة فعلا ..

ربنا سبحانه وتعالى بيقول " الذين يذكرون الله قياما وقعودا وعلى جنوبهم ويتفكرون في خلق السماوات والأرض ربنا ماخلقت هذا باطلا سبحانك فقنا عذاب النار "

لو كنا في خلوة مع النفس وقعدنا نفكر شوية في أي حاجة من مخلوقات الله ..

هنستشعر والله معاني في منتهى الروعة ..

هنحس بعظمة الخالق وعظمة الكون اللي خلقه الخالق ..

فعلا ربنا ماخلقت هذا باطلا ..

كل حاجة في الكون لها فائدة وهدف حتى لو خفي علينا هذا الهدف وماقدرناش نستلهمه ونستنبطه ..

يعني أبسط حاجة مثلا واحنا قاعدين في أي مكان بنتامل في وجوه الناس الرايحة والجاية ..

لو فكرنا شوية ان مافيش شخص في الكون بيتشابه تماما مع شخص تاني ..

بيختلفوا في الأشكال والألوان والأحجام ..

حتى لو اتفقوا في بعض الحاجات .. أكيد هيختلفوا في الميول والأهداف ..

وأبسط حاجة البصمة ..

حتى التوائم بصماتهم بتختلف ..

لو قعدنا نتأمل كده شوية في عظيم قدرة الله اللي خلقت ملايين البشر على اختلافهم في كل النواحي من خلق آدم لحد دلوقتي ..

أكيد هنطلع بمعاني جديدة وإحساس جميل ..

يعني سبحان الله أنا لو قلت لأي حد ارسملي مية شخص مثلا مختلفين تماما في كل حاجة ..

يمكن أغلبنا مايقدرش يجيبها ..

فما بالك بالملايين بل ملايين الملايين ..

عبادة التأمل عبادة روحانية فردية رائعة ..

بتترك في النفس أثر واضح وتجعلها تستشعر معاني غابت عن الأذهان ..

ده غير ان بعض الأطباء ذكروا أنها علاج لبعض الأمراض ..

كانت عائشة رضي الله عنها بتتكلم عن الرسول صلى الله عليه وسلم وبتقول (حبب إليه خلاء ) .. أكيد للتأمل والتفكر ..

وكمان كانت عبادة إبراهيم عليه السلام عبادة التأمل .. (وكذلك نري إبراهيم ملكوت السماوات والأرض)

يعني دي عبادة فردية موجودة منذ الأزل ..

بس احنا يمكن نسيناها أو تناسيناها في ظل تعودنا على المتغيرات اللي من حوالينا ..

لكن في خلوة صغيرة مع النفس ..

وتأمل في أي من مخلوقات الله .. البحر .. الأرض .. الشمس .. القمر .. الجبال .. حتى النمل الصغير ..

لو فكرنا في كل حاجة على حدة أكيد هنستنبط حاجات كتير ماكناش نعرفها ..

ده غير إنها هتحيي فينا معاني وفوائد عظيمة ..

والأحلى من كده الشعور الرائع بالاسترخاء والهدوء والراحة النفسية ..

وكمان بتقود إلى حسن شكر الله على كل ذرة خلقها في الكون ..

ياريت لو نطبقها بشكل منتظم .. يومي أو شبه يومي ..

وبعد أسبوع يحاول كل واحد يرى أثرها في قلبه ..

وهل زاد إيمانه أم لم يتأثر ..

وساعتها اهتف من قلبك وقول سبحانك ربي..
مـاأجمل التامل في مخلوقات ربنا,,,
سبحان الله العظيم
,,,,,,,,,,,,وطرح رائع ومتميز كروعتك تمامآ..................
جزيت خيرآ ع موضوعك الراااااااااااائع
تقبل تواجدي البسيط,,,
سلات اقحوان لكـ



{تـــسلم إيدكـ اخوي اليوفي ع التوقيع الراااائع}