طبعا .. الكل يعرف المثل القائل .. دق بالخمس <<هذا مثل أهل الكبسه زيك>> حتى تبزبز الدهون من بين يديك

لأجل كذا استغليت ذا التشبيه <<ما له علاقه>> وقلت فلوها على ذا الخمس .. والمقصود خمس نكت طبعا <<وإلا فيه غيرها بعد؟

وإن شاالله .. تعجبكم وتفلونها وناسه .. قبل تطلعون



بايخه

يقولكم واحد سعودي سافر مصر عشان يجيب صعايده مزارعين لمزرعته
بعد ما رجع الرياض ومعه 3 صعايده في سيارته ،

سألهم أكلتوا شي؟
قالوا لا يا بيه ماكلناش حاده (حاجه) ،

قام وقف عند مكينة صراف عشان يسحب فلوس
بعد ما سحب الفلوس راح للمطعم المقابل لمكينة الصراف
إلا ويجي بعده هندي ويسحب من نفس المكينه ،

نزلوا الصعايده ومسكوا الهندي وليـّخوه لين عض الأرض .. يعني ضربوه ضربا مبرّحا

المهم جت الشرطه وشالتهم والمواطن راح معهم بدون ما يدري وش القصه ..

الضابط سأل الصعايده ليش ضربتوا الهندي؟؟

نط واحد منهم وقال :

يا حضرة الضابط .. ده كان بيسرق من خزنة البيه !! << سوء فهم





مطعم سوداني شعاره :

اخدم نفزك بنفزك ،

صلّح غداك ،

ادفع حزابك ،

وزكّر الباب وراك !!

التعريفات : (نفزك = نفسك ، حزابك = حسابك ، زكر = سكّر يعني قفل)





قوية .... قوية


قروي سافر برا .. وفي ليلة راح للديسكو ..

قال للجرسون : هات لي بيره !!

رد الجرسون : حضرتك .. أجيب لك هينيكن ولا هولستون ولا ستيلا؟ <<من أنواع البيره

رد القروي : ياخي انت الحين جب البيره .. وبعدين نتفاهم على البنات !!





في الإجازة


حرمه وزوجها مسافرين قطعوا إجازتهم وراحوا لطبيب الأسنان ..

قالت الحرمه للدكتور :

بسرعه .. أبيك تقلع ضرس وما يحتاج تحط بنج لأني مستعجله مره ولا عندي وقت ..
انت بس اسحب الضرس بأسرع ما عندك وبنمشي على طول !!

الطبيب طبعا كان متعجب بالمره وقالها :

انتي أكيد إنسانه جريئه وشجاعه .. أي ضرس اللي تحتاجين أقلعه؟!!

الحرمه التفتت على زوجها وقالت :

يا حبيبي .. بسرعه خل الدكتور يشوف ضرسك اللي يوجعك !!<< نذاله





علم الأنساب


سألت بنت صغيرة أمها :
وشلون ظهر جنس الإنسان؟

جاوبتها الأم :

الله خلق آدم وحواء .. ورزقهم الله بذرية .. بعدها تكاثرت البشرية !!


بعد يومين .. البنت سألت أبوها نفس السؤال

وقالها :

قبل سنين طويلة ، كان فيه قرود ومنهم طلعوا البشر !!


البنت احتارت بين الإجابتين ورجعت لأمها وقالت :

يمه .. وشلون تقولين لي إن الله خلق البشر ، وأبوي يقول إنهم أصلا من القرود؟!!


جاوبتها الأم :

أبد يا بنيتي .. المسأله بسيطه بالمره !!

أنا كنت أكلمك عن عائلتنا .. وأبوك كان يقصد عائلتهم !! <<ولو منقهره منه





عادي اللي ما ضحك لا يزعل


دمتم بود