أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.
كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
عجيبة هي الحياة بمنطقها المعاكس.أنت تركض خلف الأشياء
لاهثاً فتهرب الأشياء منك.وما تكاد تجلس وتقنع نفسك بأنها
لاتستحق كل هذا الركض حتى تأتيك هي لاهثة .
وعندها لاتدري أيجب أن تدير لها ظهرك أم تفتح لها ذراعيك
وتتلقى هذه الهبة التي رمتها السماء إليك والتي قد تكون فيها
سعادتك..أو هلاكك؟
ذلك أنك لا يمكن أن لا تتذكر كل مرة تلك المقولة الجميلة
لأوسكار وايد:
"ثمة مصيبتان في الحياة:الأولى أن لا تحصل على ما تريده
والثانية أن تحصل عليه."
وش اخباركم يالبى قلوبكــم ..؟ ان شآء الله انــكم بخير وبصحه وعافيه ..
مزآجي اليوم ماعليــه يعني متقلب مثل جو الريآض
بس حاليا مروقـــه < الله يــديمـ
مو ناقصني إلآ المطل < ياعمآآآآآآر على ايام المطل
بس الجو مايساعد للاسف ادري انها بتغبر الليله يعني مايمدي عليه .. < اشتقت لأيام الكشتات هههههههه
الفترهـ هذي كل يوم وانا طالعه ,, تقريبا مره مع صديقاتي ومره مع قريباتي احس ودي اشوفهم كل يوم ابي اشبع منهم قبل السفــر ومافي امل اشبع اصلآ .. وكل ما اجتمعنا قلبي يوجعن اقول ياربي على هالجمعه الحلوه الله لايحرمني بس
عندي انواع الاغتصاب الفكري < اما اغتصاب ابوك يالتعبير خخخخخخخخخخخخخخخخ
يعني اقصد بالمعنى من قوة التفكير بكل ابو شي بنفس الوقت مدري افكر بمشاعري ولا بوضعي ولا باهلي ولا بصديقاتي ولابالمجتمع المقبله له ولا بالدراسه يعني اغتصاب فكري من قلللللللب < كيفي احسه لايق على وضعي التشبيه
امممم خلني اقولكم سالفه عن اخوي يالبى قلبه
يوم الخميس كنت اصور جوازي وهو جنبي يناظر المهم وحنا عند آلة التصوير يسألني انتي بتسافرين الحين ..! منصرع ياعمري يحسبني بسافر بذيك اللحظه .. قلت له ايه بروح لانك ماتسمع الكلام < انا تسلبه مسويه علشان معد يزعجني يقالي تهديد مره واثقه من حبه لي مالت علي هههههههه ياحبيله بس
المهم قالي لايامشاعل لاتروحين قلت الا لازم اروح علشان ادرس قال طيب خوذيني معك قلت لا بعدين بتبكي وتقول ابي ماما .. راح رد وهو واثق قال لايامشاعل والله ما ابكي بس انتي كل شوي خليني اكلم ماما < هههههههههههههههه يالبى قلبه يعني المهم اسمع صوت ماما ..
مت من الضحك .. راح لابوي يقوله خلاص انا بروح مع مشاعل قلت لها ماراح ابكي بس بكلم ماما جيب لي جواز وصوره يابابا < ابوي فقع ضحك قاله خير ان شاء الله
المهم ذاك اليوم والله ياجماعه انه لاصق فيني لصقه ميب طبيعيه يحس اني بسافر بأي لحظه .. يوم اذن العشاء كنت مواعده صديقاتي جاني يقول ابي اروح معك ونشب لي واخذته وفعلا طووول المشوار وهو ساكت ويسمع الكلام هههههههههههههه وهادي
يوم شاف صديقاتي يشتكي لهم يقولهم مشاعل بتروح اربع اشهرات < ههههههههههههههههههههههههه ياعمري على التجميع حتى مو عارف يقول سنين شطح على اشهرات ههههههه.. اربع اشهرات بعدين بتجي وانا بروح معاها وماراح ابكي < يأكد للعالم وه بس يازينـــه الله يحفظه
بشتاق له الدوووب اكثر شي بالحياهـ
لاتناظروون لي كذا .. حتى انتم والله بشتاااق لكم
وه بس
قرقت واجد عليكم ..
ملاحظه .. لاحظوا سواليفي كيف ماهي مرتبه كل شوي اشطح مو اقولكم عندي اغتصاب فكري ولاا اغتصاب تعبيري بعد والقادم العن