أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.
كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
مهما صار ومهما سوا الوالد يبقى والدك ... يعني مالك غنى عنه واكيد
في يوم من الايام بيحس وبرجع لصوابه ..وانتي حاولي تتذكرين الاشياء الحلوه اللي سواها لك
حتى لو بسيطه ..
وتذكري قول الله تعالى (وقضى ربك الا تعبدوا الا اياه وبالوالدين احسانا)
وشوفي هالحديث قال الحبيب صلى الله عليه وسلم ( الوالد أوسط أبواب الجنة فاحفظ البيت إن شئت أوضيع )
ويبي له بعض من الصبر والمجاهدة
كما قال صلى الله عليه وسلم في الحديث عن عبدالله بن عمر رضي الله عنهما أن رسول الله صلى الله عليه وسلم ,قال لرجل استأذنه في الجهاد أحي والداك ؟ قال : نعم . قال ففيهما فجاهد .
يعني قد تحدث احيان تصرفات من الوالدين لا تعجب الابناء يبي لها صبر وجاهدة
وحطي في بالك ان الاحسان الى والدك عشانك انتي ..انتي اللي بستفيدين بعدين
حتى لو كان هو غلطان..حاولي تكسبينه مثلا جيبي له هديه احرجيه
اكتبي له رساله ... بس اهم شي لا تحاولين تبيين له انك تكرهينه خلي المودة بينك وبينه والاحترام
مهما صااار ..
والله يعينك ويصبرك ويحنن قلب والدك عليكم ويوفقكم ويسعدكم
اولاَ يعطيكم الف عااااافية ويارب يسعدكم ويوفقكم في حياتكم
ثانياَ انا عارفه ايش معنى اب بحياتي لو مو عارفه ماكان تضايقت وبكيت عشان انا مااكلمة
وماكان اهتميت فيه وماكان خفت عليه اذا كان الجو في غبارلانه مايتحمل الغبار اتصل عليه حتى لو هو مسافر اسال عن الجو عنده واقوله لاتطلع واناالوحيدة من خواني كلهم اللي تسوي كذا معه لاتفكرون اني مااعرف ايش معنى اب ولا اقدرة هوكل شي بالنسبة لي بس اتمنى انه يتغير الللي يصير مايرضيني ولا يرضي الله مثل ماقال اخوي كحيلان 11
ثالثاَ شاكرة من كل قلبي على ردودكم الرااائعه التي اسعدتني وشاكرة لكم تواجدكم الراائع في صفحتي المتواااضعه ...
والله ماادري وش اكتب لان الاخوان ماقصروا كفوا بالمطلوب بس
راح اقولك ياحبيبتي كثري من الدعاء له في كل صلاة وبعد الصلاة
استغفري بقصد ان الله يسخرلك والدك ويسخرك له والتزمي بالدعاء
ولا تزعلين علية وكلمية وحاولي دائما انك تجلسين معه حتى لوزعلانة
وبيني ما في خاطرك له وصارحية باللى بقلبك تري الاب دائما حنون على
بناته لكن لكل واحد طريقتة
والله يكون بعونك حبيبتى ويسخرلك والدك ويحنن قلبه عليك امين يارب العالمين
دمتى كما تحبين
في البداية أختي حاولي تبينين للوالد انج متضايقه من طريقته في التفريق بينج وبين أخوانج الشباب،، واذا قدرتي تسألينه عن السبب بطريقة لينه يكون أفضل.. ان كان رده ان كلكم عياله ومايفرق بينكم فهذا يعني ان الوالد مو قاصد التفريق ،، وهذي إجابة طيبة ..راح تغيّر نظرتج للاعتقاد السابق
حاولي تتقربين من الوالد أكثر من قبل،، اخدميه وقعدي معاه لما يكون بالبيت،، قوليله انج تحبينه وانه أغلى من باقي أهلج
وبنفس الوقت خلي علاقتج طيبة مع اخوانج لأن بالنهاية هالشي راح يقربج من الوالد بطريقة غير مباشرة..
انا تكلمت معه بهذا الموضوع بس ماافي فاايدة ولاحاول يتغير ابداً بس ان شاءالله مع الايام يتغير
وانا الحين الحمدلله ارجعت علاقتي مع ابوي واحاول التقرب منه اكثر من قبل يمكن يحن قلبه علي
ومثل ماكنت متحمله قبل راح اتحمل وان شااءالله يتغير
صحيح كلامك اختي ملاذn وان شاءالله يكون كل هذا تكفير للذنوب
تحياااااااااتي لكم وشاكر لكما تواجدكما العاااطر في صفحتي المتوااضعه
همسات الحب
السلام عليكم ورحمة الله وبركاته
واسعد الله حياتج بكل خير ومسره
عزيزتي في بداية الامر
اذكر الله وهدي اعصابج كل شي يجي
بالعقل والمنطق
بتعصبين بتنقهرين محد راح يضرر
في الاول والاخير غيرج انتي
والدليل انج قلتي ان نفسيتج وايد
تعبت
من وجهة نظري
اكبر غلطه اني ما تكلمين ابوج هذا
مب اي حد هذا ابوج يعني دنيتج
مصدر عزج وفخرج
ابوج الله يخليه لج مب ملاك عشان
ما يغلط وياما بيوت فيها مشاكل اصعب
عن مشكلتج بوايد يعني انتي وبعد
ما زعلتي منه بعد مب مرتاحه
هذا دليل على طيبة قلبج وانج
ما تحبين تسوين شي يغضب ربج
انا لو بدالج بسير ابوسه على راسه
واجلس معاه واسولف
ليش ما تتقربين منه حاولي
يعني مب من اول محاوله تيئسين هذا غلط
يمكن ابوج يعاملج بهذا التعامل
لانج يمكن تسوين شي ما يعجبه
اجلسي معاه وخبريه باللي في خاطرج
وصدقيني راح يقدر هذا الشي وهو بعد
راح يستانس انج قربتي منه
والله يهدي بالج وان
شاء الله نسمع عنج اخبار طيبه
اختج
راقيه في حضورها
اختي مهما كان هذا ابوك
لكن ابي اوضح لك نقطه :
بعض الاباء يقسوا على بناتهم ومو القصد انهم يفضلون العيال على البنات !
لا ..
يكون عندهم طريقة تفكير انه البنت لازم نقسي عليها لعدة اسباب :
1- اما علشان لي تزوجت ما تنصم بواقع الحياة لو كان زوجها قاسي او شديد .. وتكون تتحمل مشاكل الزوج مستقبلا ... وللاسف هذي كثير يعتقدونها ... ان في نظره لو دلل البنت او ما قسى عليها ما راح تتحمل مستقبلا وش الزمن مخبي لها
2- اما انه يعتقد ان القسوه والشده ي الوسيله الافضل لتربية البنت وان الدلال واللين قد يكون سبب انحرافها وضياعها
وفيه اسباب كثيره ..
وم ننكر انه بعضهم يفضل فعلا الولد على البنت لكن هذولا صاروا قله لانهم من الناس اللي تفكيرهم رجعي نوعا ما وما اعتقد ان ابوك طريقة تفكيره كذا بدليل انه موفر لك جهاز تدخلين فيه على النت !
كلامي لك مو اني اقول ان تصرف ابوك صح .... لا
لكن هذا ابوك وانتي بنته مستحيل ما يحبكم لك انتي حاولي تلتمسين له العذر وتذكري انه انسان له طريقة تفكير تختلف عن طريقة تفكيرك فحاولي تتفهمين انتي ها النقطه
الله يحفظه لك يارب
دع الأيام تــــفعـل مـا تشـاء وطب نفساً إذا حكم القضاء
ولا تجزع لحادثـه الـلـيـالـي فــما لحـوادث الــدنيـا بــقـاء
وكن رجلاً عن الأهوال جلداً وشيمتك السماحة والوفـاء
وأن كثرت عيوبك في البرايا وسـرك يـكـون لــهـا غــطـاء
تـستـر بالسخاء فـكـل عـيـبٍ يـغـطـيـه كــمـا قـيـل السخـاء