أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.
كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
تتصل بي تحسب اني على جنبي طريح = وبعدك اصلا ماحسبته عشان اتحلمه
والله ان تبطي عظم مايهز طويق ريح =ما اخبل اللي يعاند طويق يالله ما اخبله
الغلا من عام الاول بنينا له ظريح = الكفن بجفون عينك ودمعك غسله
قلت لك من قبل نبدا تقولين الصحيح = وان سألتك قلتي ارجوك خل الاسئله
مادريتي من حفر حفرة فيها يطيح = ومادريت ان الهوى مايبي له مهزله
لا اقبل الغيم يترزم ومطاره شحيح = فالله يردع بارقه قبل يبدى بألوه
راعي الاخلاق سيد ولو شكله قبيح = والشكل عند الادب مثل قيد الانمله
يا مليحه دوري لك على رجل مليح = تعرفه كل المرايا وشكله عدله
الصراحه ماتزعل وانا رجل صريح = خاطري لاعاف شي فصعبٍ يقبله
ديني الاسلام وانتي على دين المسيح = والهوى يابنت ماهو بآيه منزله
شكرا يا جود على طلتك الحلوه اللي تكفي عن الف طله .
بس للامانه ويحز بالخاطر من أمس يعني القصيده لها اربعه وعشرين ساعه ما رد عليها الا انتي وين اعضاء المنتدى .
هذي اول قصيده لي وهذا اللي صاير اجل وش يقول غيري لو زار المنتدا ولا سجل فيه ..
على العموم شكرا يا جود ولا قصرتي ويعطيك العافيه ولاجل عين تكرم مدينة ...... ولا راح ارد الا على مواضيعك بس وغيرك مالي فيه سنع ..... لانه باين المنتدى على قولتهم هذا ولد بطن وهذا ولد ظهر .....