ads | ||||
---|---|---|---|---|
دليل المواقع السعودية | انشأ رابط لصفحاتك | اعلانات المبوبة | نشر بلس | اختصار واتساب |
|
المشاركات 24 |
+التقييم 0.00 |
تاريخ التسجيل Sep 2010 |
الاقامة |
نظام التشغيل |
رقم العضوية 38773 |
صَبَآَحَكُم/ مسسَآءَكُم ..نَقَآء مُصَآفَحَه آْوْلَى عَلْهَآ تَرْتَقِي لِذَآئِقَتِكُم * يا حـزين .. يا نشيد أبكم على دفتر سنين وانت ساري .. ما معك غيرك , وبعض الليل , واوجاعك وهمّك اي .. حزين ! ومافي قلبك .. غير دِين ودعوة أمّك ! المسا عتّم .. وشفتك في سواقي وادي الفرقا .. على اسراب النخيل .. اللي تسيل ! شفت في وجهك أثر , وامتد بي .. خلفك وضيّعني الثرى , لـ انّي نويت أتأخّرك وابقى ... ورى ! اذكر انّي قلت لك : لامن نويت تروح بالله انتظر اجلس على صبرك , تقهوى .. واقعد أكتب ! أكتب انّي .. كنت امنّي : نفسي واحساسي بفرح غير الفرح ! غير الكلام اللي نقوله في الكلام وغير باكر ! خل نفسك ما انتبهت .. ورح لآخر .. ! وانشد احلامي مقالاتي .. قصايد قالها شاعر عصامي ! ولا اقول لك : اقعد اكتب .. مثلي هالحين , وتسلّى وانتظر .. يمكن أجيك ولا أجيك يمكن اكتب في هوامش صورتك هالحزن بيت وما يبيك ! ولو لمحت الناس في عرض السطور .. وصرت خايف قل لهم بالله : شاعر وان بدوا بالهمس .. واضناك الملام قلّهم .. ضايق , وما يدري وش اللي في الخواطر بس شاعر لا تجازف .. لا غفوا عنك , ابتعد .. وارمي ورى الشباك شارع ! واعبره .. لو ما قدرت تخضّره ! شفني , على ركن الكلام , اتأملك وانقشك : نور ! انقشك ضدّي , وان بقى لي في تأمّل غيبتك لو بعض ودّي ما عليه !! افتح ابوابك , لأمس وانتظر في الشمس .. شمس بيع زفراتك لصدرك .. واشتري للناس صبرك أو ... تفقّد باقي اوراقك وحبرك وارجع اكتب ... سالفة كتف ويدين وجهٍ اجدب بين بين ! خلّ للطاري مطر .. وانفض مكانك .. غيم واحلامك سفن يا وطن محدودب القامة وعكّـازك قصيد يا مدن ملح وترابك شاب , والوادي بعيد يا حزين الروح , أتعبك الزمن .. ليتك تشوف .. وما يجي لك بال والعبرة .. تحن ! يا حزين , يا صديقي , خالي البسمة , وفي صبرك مدن ! يا مسافر من مكانك للضباب للغياب لـ الف من نبرات صوت الناس والممشى / يباب ! رح .. ولا تنسى تدوّر في عيون الليل حزنك ولو لقيته بلّغه منّي سلام وحزن عام ! . |
dh kad] Hf;l ugn ]tjv skdk
الذين يشاهدون محتوى الموضوع الآن : 1 ( الأعضاء 0 والزوار 1) | |
|