قالت : (ابيك) ، وقلت : وشلون يعني ! = قالـت : (ابيـك) بكـلّ مافيـك لـيّـه
ولا اذكـر الاّ يـوم قلبـي وجعـنـي = وتهاوشـت كـل المشـاعـر علـيّـه
مافيـه شـيٍّ عـن هواهـا منعـنـي = ذابـت خلايايـه .. خليّـه .. خلـيّـه
ورفَعت قلبـي فـو ق مـدري رفعنـي = وعرَفـت بـانّ الـروح ماهـي خليّـه
مدري اقـول : انّ الهـوى ذا نفعنـي = و لاّ اقــول : انّ المحـبـه بلـيّـه

قالت: أخـاف وقلـت: لا يلحقـك خـوف = اقولهـا ! وانـا مـن القـلـب خـايـف
نخاف صوت ال(آآآه) وال(أحّ ) وال(أووف) = لاجــادت الفـرقـا بطـعـن الـولايـف
نعيـش مانـدري وبكـره نبـا نـشـوف = علـى أمـل لـو كـان ماهـو بشـايـف
يا(غابـة الـورد) إعملـي فـيّ معـروف = تطمّـنـي بــلاش بـعـض الكـلايـف
الحـب ماهـو ورد ذابــل ومقـطـوف = الحـب قـلـبٍ طـالـعٍ لــه شفـايـف
وكلمـة (احبـك) ماهـي بأربـع حـروف = أربـع نوايـف نايـفٍ جـنـب نـايـف