ياللي وصالك منيت الروح والعين والقلب=والحب وأحساس الولايف فديتك ومعطيك
لا تنشد اشلون اعشقك وآتمناك والحب=قتال لا صار المتيم معاند ومرضيك
تبغا الصراحة ياهوى القلب والعين والدرب=محدن عليه القلب وداني مير أنت بيديك
قربتني ضميتني فصدرك وكنت فالقرب=طاير يطير محلق افحبك وكنت مشريك

ياللي وصالك جنون وغيبتك عني=كاللي يسل المسل بوجه من سله
لو قلت احبك يالوالله الحب يملني=وأن قلت اودك حجبت الظل عن خله

يالله ياللي تشبع الجوعان وتكسينا العبي=ياللي رحمت أهل التقا واهل القلوب الخاشعه
يالله شد بعزمي يوم أني أنا قمت أحبي=والدرب طال بسكتي والصوت مني سامعه
أبغيك ياربي تجازيني على كل اتعبي=واحيا الحيا والنفس ياربي في يدك خاضعه
وارزقني في درب العلا خلان يبقون اصحبي=وابغيهم يكونوا رجال وعطرهم لي نابعه
وان كانت الدنيا عسر لا تجعل الضيق اصعبي=واجعل يميني تعطي ما تنفق لنفسي طابعه
وياربي لي اخر طلب واتمنى مترد اطلبي=اطلبك ربي عين وقلب تدمع قبل القارعه

قال الفتى ماعاد باقي وازولي=وخلي معاد بصبري أتحمله حيل
والناس قالت وأنتي جيتي تقولي=عني كلام ولفقونه عواذيل
صرت امحشور وكن عرضي بطولي=ومدة لحافي ضيق وذقت أنا الويل
ياليت مره داخلي لو تجولي=من حزن مابي وإلا كود الغرابيل
تتجرعينه غصب وأنا معلولي=لا تحسبين أن الخلايق لها ميل
ياكم حست اللي حياته فلولي=واللي تهنا بالثريا وبسهيل