أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.
كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
بداية اسمح لي أن أبدي إعجابي بما خطه يراعك هنا .. ووصفك لبعض الجمل التي عبرت بصدق ووصفت الموقف بدقه متناهيه .. فلله درك أخي كحيلان ..
اقتباس:
أن تحكي له عن مشاعر سلبية تنتابك و لا ينتقدها.. ؟
أن تقول له عن فكرة تدور في ذهنك ورغبه تنتابك فلا يناقشها سلبآ ولا يستصغرها.. وعند من يعري تلك النفس وما يخالجها ويشغل تفكيرها؟
عقدة الذنب تخنقه..
بالفعل هذا هو الشعور حينما تسود الدنيا في أعيننا!
و لانريد شيئآ وقتها سوى البوح عن مكنوننا لإخراج مايعتمل في قلوبنا .. ونمني النفس بسماع كلمات مواسيه تخفف عنا .. لكن ليس دائمآ هناك من يحب أن يسمع لك .. ويتحملك حتى النهايه .. صبره سينفذ حتمآ عاجلآ أم آجلآ .. هكذا علمتني الدنيا ! لايوجد من يصبر عليك وعلى شكواك وحزنك طويلآ .. سيأتي يومآ ما وسيصدمك به .. وسيقلب الطاوله في وجهك فيما كنت تشكو له من أمور وسيوجه لك سياطآ من اللوم والتقريع الأمر الذي يجعلك تتقطع ندمآ على ثقتك به !! لتفيق على صدمة من نوع آخر .. أشد وأقسى مما انت فيه من هم وكدر!! وعندها قد لاتجد أمامك .. سوى الأوراق .. والخواطر ..
اللهم لاتدع لنا همآ إلا فرجته .. ولاتجعل سعادتنا بيد احد من خلقك إنك سميع مجيب ....
رديت للموضوع وسألتك وانت عليك بس ترد..
ماعليك من كل اللي قلته ابيك تلقي الضوء على نفسك وترد على
اسئلتك وراح تفهم هذا كله من كلامي اللي قلته..
واعتقد قصدي واضح...
تقديري واحترامي...
رديت لموضوعك وكل كلمه كتبتها ماانتكتبت عبث..
ودايم اتعلم منك..
مادري شنو تبيني اقلك تحديدا..
حبيت اعلق على كل شي قلته لكن ماقدر لان ماراح انتهي ابد
وصعب اوضح لك الفكره اللي انا ماخذتها عن اللي حولي
وعن كل شي قاعد يصير..
ادري اني دايم متفائله واحاول اطالع النور دايم ادري اني قويه
وصعب انكسر وكنت دايم واثقه بروحي ولاعلي من احد
دام عندي احد مساندني..ودام الروح عاليه وشموخي مانحنى لاحد..
الشخص هذا اعطيته كل شي وانا لاحبيت اتم اعطي بلا نهايه
من دون ماانتظر مقابل من احد..
واهم شي لايعمل شي يخليني اكرهه..
صعب اوثق بأحد واعطيه كل مااملك ويعمل شي يكرهني
فيه واترجاه لايغلط لجل لااكرهه ويسود كل شي بعيني..
عاد مادري اللي يحب بصدق يقدر يكرهه..؟
تقدر تجاوبني على هالسؤال..؟
الحين لااكرهه ولا شي عادي تعودت عالبعاد
وراح اتم لنفسي مهما قست الدنيا علي
اهون علي ان اهيا تقسى وانا بروحي وتعودت على قسوتها
ولا اتطمن بشخص بقربي واقول اهوا حولي وبخفف علي ثم
وقت احتاجه يرحل..الوحده ارحم لي بكثير..
صحيح ان هالشي يتعبني..لكن عمري ماراح ادور على احد
يتم يمي اهوا راح يجي بروحه ماراح ادوره..
وبكذا راح تكون عندي قناعه داخليه اني مابي احد
لاني بنيت هالفكره اللي ذكرتها الحين..
اما الهمسه اللي قلتها لي..
اعتقد اني اعرف هالشي ومن كل قلبي اشكرك
على نصيحتك حبيت اقول شي بخاطري من زمان
لك اقصد ملاحظاتي بمواضيعك لكن افضل مااقولها الحين
لانها راح اتم وجهه نظر ومادري اذا بتقدر تتقبلها ومااعتقد
هالشي..ويمكن تسبب اشياء ثانيه مااحد يبيها وانفهم غلط..
في اعضاء وايد يتبعون اسلوبك هذا بالمواضيع وفيه افضل بعد
لكن ليش انت بالذات اللي الكل يدخل مواضيعك واحس ينجذبون
بشكل ومايخلون شي بخاطرهم ماااااادري..؟
هذا اللي ابي اقوله قلت كل شي ومابقى الا شي بسيط بخاطري..
وحابه اوضح شي بسيط..
لجين مو مثل قبل..تغيرت نظرتها للكل
وصارت اقسى بكثير على نفسها قبل ماتكون قاسيه على
اللي حولها وماصار يهمني احد وكافي ياما عطيت وياما وثقت بالناس
وماستفدت اي شي كله رد علي وكله كانت مضرته فيني انا..
ومو مستعده اسعد اللي حولي على حساب نفسي..
احاول اعطي مثل قبل لكن مستحيل ترد لجين مثل مااهيا
والكل صار يدري...وللاسف طبعا..
وربي يسامح كل شخص خلاني ابني افكار ظرتني
والحين ماصرت اعتبر لهم اي اعتبار وماقدر احترمهم او احبهم
مو حقد لكن تغير نقائي وعفويتي..؟
كلامي جدا واضح ومفهوم بعد واتمنى المقصود بالامر
يدري..؟
مو لاني يأست او اهوا دمرني او غيرني لا وربي ماعاش من يقدر
يهز كبريائي..قناعتي اني اتغير واكون اقسى لجل اتماشى مع الخلق
خلاص اهيا اللي اعملت كل شي..
وبس اذا ابي اوضح شي ثاني برد..
اتمنى تتساقط الاقنعه وكل شي يتوضح لمتى راح
يتم الكل يلعب الدور..ومتقنع فيه بعد...؟
هذي مساحاتي وقلت كل شي..؟
بحفظ الكريم..
مهما اشتد الظلام فشمعة واحده كفيلة بأن تبدد كل هذا الظلام...
ومهما طال الليل فدقيقة واحدة من فجر كفيلة بأن تنسيك كل هذا الليل...
ومهما طال الحر والجفاء فرشفة من ماء بئر عذب كفيلة بأن تنسيك ماكان فيك من عطش...
وإن ظللت تسير في طريق مليء بالشوك والجفاء والحرارة
إذا رأيت واحة مليئة بالورود سوف تنسيك الأشواك
وإن رأيت بحيرة ماء سوف تنسيك ماكان من جفاء
وإن جلست تحت ظل شجرة سوف تنسيك ماكان من حرارة...
اتخيل ان هذه الدنيا ...
طريق فامشي فيه واجعل التفاؤل مائك كي لاتشعر بالعطش
والامل عصاتك كي لاتتعب من طول المسير
والابتسامة ظلك كي لاتتأذى من حرارة الشمس ...
فابتسم فأنا أولى بها كي
أسير في دنيا الغربة
وأنا شامخه
عندها ستكون جسد بلا روح ورائحة الحزن منك تفوح
وستبقى مثقلاً بالجروح عندها ستموت كل
الورود التي في قلبك
فلا تحزن ولاتيأس...
كحيلان
حق للقلم أن يفخر بأنك حامله
وللحرف أن يسعد فأنت راسمه
وللاحساس أن يدوم مع قلب مثلك مالكه
لِذآتك جنَآئِن الْيآسَمينْ
قمـة الابداااع واكثر
واكثر
واكثر
واكثر
وأكثر
رديت ثاني..
واعتقد قلت كل شي ومابقى شي اخفيه..
صراحه ابهرتني..ومن كل قلبي اهنيك على اسلوبك..
وقت رديت عالمضوع وقفلت المنتدى حسيت اني كنت وايد
منفعله واعتقد كنت حدي متنرفزه صراحه..
موضوعك قلب لي مواجع ماكنت ابيها وانفتحت صفحات قفلتها
من زمااااااان..
قلت اللي قلته ومادري شلون فهمتني..توقعتك ماراح يعجبك كلامي
ابد وتوقعت راح تصحح كذا شي قلته..لكن اعتقد انت لاحظت لكن
ماحبيت توضح..وهالشي اللي لاحظته من كلامك..
حبيت اوضح لك ولكل احد قال ليش اقول هالكلام كله بصفحتك
هذي..أسمح لي اوضح كذا نقطه من خلال اللي قلته..
الشخص المقصود انتهى وخلاص حاولت اشيله من قائمه اهتمامي
لكن ماقدر وللحين احاول انسى وماقدرت وراح اتركه يشوف مستقبله
وينهي دراسته ويرد لهله بكل صحه وعافيه..
وانا رب العباد معي ويكفيني ودايم بعوني ومعاوني..
اما وقت سالت ليش الاعضاء ينجذبون لمواضيعك وحاستهم
يقولون كل شي..عاد والله ماكنت اقصد فيها شي لا المح بشي
ولاحسسك ان مواضيعك ماتستاهل كل هالردود..
عاد مااعتقد اوصل لها النقطه من.........؟
بالعكس الكل يشهد لك بكل خير..
عاد الكل يدري منو كحيلان وبالعكس انا ماسالتك الا لجل افهم ليش
وانا مااحسدك بالعكس اهنيك على طريقه اسلوبك واقناعك للبعض
بكلامك جدا طريقتك رائعه واحاول اتعلم منك..
وهذا مقصدي اما اللي فهم غير كذا فهذي النوايا وماتخفي
من سوء افعالها ولله الحمد نيتي مافيها الا كل خير لكل شخص
سواء ضرني او قدم لي كل طيب..
عاد مثل كل مره اقول هذا رأي وانا المسوؤله عن كل شي اقوله
وحره بعد بكل كلمه اكتبها ومااتجاوز حدودي ابد...
لجل كذا كلن حر برايه ومافي اي احد له حق يقلي هذا صح
وهذا غلط دام انا ادري بقناعاتي واهيا شنو بعد..
مادري شلون فهمتني..مادري كلامي شلون اخذته
وشلون تقبلته..ومادري بعد اثرت اعصابك او لا واتمنى اني ماعملت
هالشي واعتذر اذا بدر مني اي مضايقه من خلال كلامي..
مادري ليش انفهمت غلط...؟
مادري شنو اقول لكل احد انتقدني بردي هذا...؟
وليش اهتموا بردي انا تحديدا..والبقيه ماستاهلون احد يعبق
على كلامهم او البعض يحاول يمسك لجين على زلتها
ويبون يردون اشياء كثير صارت من خلال اختلافي معهم....؟
بديت امل صراحه من هالاسلوب وبديت امل من كل شي حولي
وماصرت اتحمل اي احد..مادري ليش..
وماصرت اتقبل اي شي..والنفسيه منعدمه وتحت على طول..؟
بديت اتازم نفسيا ومادري شلون احمي روحي من اللي يحاولون
يثيروني..مادري ليش الحقد والحسد دايم ادور حولي شحقه
وليش انا..؟
مابي اوضح اكثر من كذا ومابي ابرر لاحد عاد ادري بروحي ماقلت شي
غلط واللي قلته عن قناعه ومستحيل اقدر ارضي احد او اسعده على
حساب نفسي كان قبل بس الحين تغير الحااااااااال..
صرت على اخره الصمت والصمت احيانا له ضجيج مؤلم
يقود بصاحبه للهاويه لجل كذا احاول مااكون قاسيه
لكن مادري ليش ضعفت قدام رغبتي هذي..؟
اشكرك ثاني واشكرك على ردك لي..
واعتقد خرجت عن نطاق الموضوع وهذا انت دايم
بمواضيعك تخليني اتنفس بعمق وهالشي اكبر
دليل انك كاتب متميز وتعرف شلون تجذب قرائك
ويتنوهون دايم لك ولكل كلمه تقولها..
الف شكر لك..
تقديري واحترامي..
استاذي الفاضل كحيلان
دائما متألق ومميز في طرحك
موضوع في قمه الروعه
لمن تشكي همك...؟لمن تبوح بسرك .. ؟ اشكي همي الى الله لان الشكوى لغير الله مذله اما يالنسبه للسرار انا ماعندي سر ولو كان عندي ماراح ابوح فيه لا اى احد هل تجد من يستمع اليك.. فمن يكون ذلك الإنسان الذي يمكنك أن تلقي بهمومك بين يديه ولا يستهين بها امي ربي يحفظها اكثر واحده تسمع لي لكن مااقول لها شي يشغلها على اقول لها الي انا ابها تعرفه لكن غير كذا لا تعرفون الام قلبها مايتحمل فما احب اضايقها بالي يتعبها
لمن تعترف بضعفك امام فكرة سيطرت عليك؟ ولا احد
من هوذلك الإنسان الذي تستطيع أن تخبره بكل اخطائك
ماحب اتكلم مع احد عن اخطائي لكن احب اتعلم من اخطائي
اذا وجدت هذا الإنسان فهل ستندم يومآ ما على ما بحت له به... ؟
في الكثير هناك من باحو باسرارهم وبعدها ندمو على هذا الشي لذالك افضل ان يحتفظ االشخص بسراره ولا يطلع عليها
اُناس غير ثقه .
تقبل مروري