أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.
كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
شفتها البارح بعيني ومابعد شوفي كلام
والحقيقه كان ودي لو اكذب شوف عيني
مابعد جرح القلوب إحساس بانفاس الغرام
ولو بكابر...كيف اكابر والثمن احلا سنيني
ايه طارت من يديني مثل ماطار الحمام
والعزاء اني كنت وافي لين طارت من يديني
كنت أشوف الحب صمته همس وعتاب وملام
كنت احس الحب فيها قبل اعيش الحب فيني
كانت افضل من يجيد الصمت في دور الهيام
وكنت عايش دور عاشق مغرم استنزف حنيني
لين ربي ساقني في صدفه اشبه باصطدام
واقعي مع حلم عمري والقدر بينه وبيني
صدمه...لااوالله طعنة خنجرن ادمى ودام
واستقر بوسط قلبـي...وماهو الا من يميني
وانطفت شمس المحبه وابتدى ليل الظلام
وابتديت اشك حتى في معزه والديني
ليه...قلنا الصمت حكمه ليه ماقلنا حرام
كنت اقول الصمت حكمه لين طارت من يديني
انت طبعك غير وأسلوبك عنيد
.. وانا طبعي مستحيل اطق باب
وكل بابن ينفتح لي من بعيد
.. وكل شي قبل ما اطلب يجاب
قلت ابفتح معك صفحه من جديد
.. ومالقيت اوراق واغلقت الكتاب