أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.
كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
مرهـ كنت مع اختي اصغر مني هي بالثانويه .. المهم كنا رايحين التميمي اللي بالثلاثين كانت ماسكه معي غلط اني اجيب فاكهه غريبه هي اسياويه اسمها Strong mangoo < < من اجود هالفاكهه
واختي هذي ماشاء الله اطول مني < < اخ بس وماشاء الله عليها فيها عرض < يعني من الاخير انا شي صغير بالنسبه لها
المهم وحنا متجهين للباب نبي ندخل كان فيه شباب ابو 19 سنه عند الباب مجتمعين هناك كالعاده
وانا رايحه واختي جنبي ما اسمع الا واحد يأشر علي ويقووول باللهي شوفوا شوفوا ويضحك
ويغنوون ...
وش يغنووون .......... !!!! ؟؟؟؟
هل تعريفووون من هو همتارو مخلووق حلوا جميل همتارو
يعيش في بيت لطييف يدور في دولاب خفييف < < يعني انا اخر عمري فاااار
ويضحكووون واختي فقعت ضحك معهم < جبتها عون طلعت فرعووون
كيف العيد معكم ان شاء الله انبسطتو فيه ... اكيد الشباب < انواع الترسيم والفــله والملح
والبناااات انوااع اللبس الجميل ماشاء الله والملح والقبلـه وه بس قمرات قمرات < بسم الله عليكم مو تسذا يعني
انا عيدي جدااااااااااااااااااااااااااااا جميييييييييييييييييل تخيلووو كان مره شي روعه احلى عيد مر علي بالحياه تخيلووو كله كان نوووووووووووووووووم هع
والله نوم في نوم .. واذا طلعت عزيمه نفس الوجيه بس اختلاف البيووت
واليوم الوطني يالله يايومنا الوطني مرررررررررررررررررررررررررررره حسيت بالوطنيه < ايه هين اشوه انه كان فوق سطحنا
انا صراحه ماطلعت ولا مكان بس اليوم اللي طلعت ورحت المطعم مع خالتي واخووي بس جاني خبر ان الشوارع امس كان فيها زحمممممممة << بس بالتحليه خخخخ يابنات لاتحسبون
كان فيه حلوين كانو كلهم ربع منششتر < مانشستر سابقا
احم اني امزح
المووهــم ياحلوين .. انا حبيت اخربش بالمدونه شوي
خفة دم ثقيله < يتبع شخصيه مشاعل < عاد فسرو وش معناها خخخخخخخخخخ
انا اليوم مبسوطه ومو مبسوطه ... ؟؟ قولو لييييه !!؟؟؟ انا اقولكم ليه < < مشاعل بالله وش تحسين فيه < احس اني بالدور السابع
المهم ..
مبسوطــه ... اليوم جاني بابا يقول ان امور البعثه ماشيه وقريب راح ارتب نفسي
علشان اسافر للولايات المتحده الامريكيه .انبسطت والله لاني بروح اشوف مستقبلي وطموحي وكل شي بس فجاه حسيت بشي بخاطري ضاق .. تعرفون لاجت فرحه بغصه < هذا اللي حسيته
مو مبسوطه .. لاني بفارق من غير شر اهلي وناسي واحبابي وكل شي صحيح اني ماراح انقطع عنهم بس الغربه مؤلمــه .. قعدت افكر .. امي .. ابوي .. اخواني .. اهلي .. صديقاتي يالله والله صعبه .. صدق شي يألمني ..
وبعض الوقت افكر اقول لا يامشاعل .. لو بقعد افكر كذا بتعب ولا راح اخطي ولا خطوهـ الا بالعكس المفروض اروح واجتهد وارجع بوضع اجتماعي ودراسي افضل ومحد راح يتغير الناس هي الناس لاتفكرين بعواطفك .. لو كل احد فكر فيها محد كان سافر ودرس ..
وبـــس .. افكار وحيــرهـ وماقول غير الله يكتب اللي فيه الخير .. وييسر اموري
كيفكم ان شاء الله تمااام ... وكيف ايامكم عساها كلها فرحه وشرحه < بلكونه على غفله خخخخخ
انا ايامي منوعه لاتخلو من تقلبات الحياه < احلفي < ابووك يا التعبير
بس اليووووم كان يووومي منكح اليييييييييييييييييييييييييييييييييييييم < شفتوا وش طوله
تخيلو اليوم كنت بالفيصليه اشتري اغراض لان عندي عزيمه وكان ناقصني اشياء .. وانا امشي كان معي صاحبتي فجاه شعوله تدعس على عبايتها وارووووح في ذاك الرجال اللي مادري من وين طالع لي قسم بالله ابد على طووول بكرشته من دووون اي مقدمااااات واقوم وانشب بثوبه
قسم بالله ليتني مت احسن لي .. عجزت ارفع راسي اناظره من الفشيله .. وهو يسمي علي بسم الله عليتس بسم الله عليتس .. الا زوجته طالعه من المحل اتوقع يعني زوجته وتعطيني
ذييييك النظره اللي كانها تقول اشك بأخلاقك وانا لاحول ولا قوة .. من الخووف رحت قلت وانا اتراجف انا اسفه ياعمي ومصغره صوتي يقالي بسوي اني بزره بس ماش كل دهـ وبزره < مسويه ارقع لعمري والرجال مايدري وش يرد وحالتنا حاله ..
تخيلو والمصيبه العظمي صديقتي اللي مادري وش اقول عليها تخيلو فجاه مالقيتها سوت نفسها ماتعرفني وبعدت خخخخخخخخخخخ يمديكم على النذاله . يوم سألتها تقول يوم شفتك خلاص مافي امل امسكك وانك طايحه طايحه قلت افقع احسن لي تخيلوووا خخخخخخخخخخخخخ
والله ياجماااعه كان يووووم مادري وش احس فيه
هذا وانا نتفه طحت فوق كرشته اجل لو اني طويله بالحيل وين كان طحت خخخخخخخخخخخخخخخ
هـــع هذا كان يومي الالييييييييييييييييييييييم تخيلو الموقف بس وشوفو اخ بس
سوري تأخرت عليكم .. بس تخيلووو النت فصل عندي وانا الحين داخله من عند خالتي ..
المهــم .. بحكليلكم على يوم ميلادي الرائع 3_10 _ 2009 اللي هو كان قبل امس بما اننا دخلنا يوم جديد ... خخخخخخخخخخخ كان تحفه .. طبعا انا كنت تعبانه ولا شفيت مره
رحت لهم بمناديلي وزكمتي خخخخخخخخخ
طبعا انا اللي كنت اعرفه اني لازم اتجهز على الساعه 7 وبتمرني خالتي تاخذني وين نروووح ماعلمتني ..
تجهزت وتكشخت بس ما فيه فااايده الوجهه مره باين عليه التعب مهما سويت مافيه امل يترقع وكنت اقوول الجمال جمال الاخلاق لنفسي هههههههههههههههه
الموووهم .. جت خالتي وطلعت معها وطلع المكان مطعم فرنسي اكيد عرفتووه .. هع
رحت ولقيييت 3 من صحباتي موجودين وخالاتي ثنتين واختي وانا
مرررررررررره انبسطت سواليف وحش واللي تبوون كانت فله .. شوي يوم دقت الساعه 9 ونص
ويدخلوون اللي يشتغلوون بالمطعم ومعااهم كيكه وانا هنا خقييييييييييييييييييييت للنعااال الله يكرمكم
وناااسه وكل الليي بالمطعم بدووا يغنووون ياحليلهم والكيكه كانت جدا كبيرهـ < من هرفي خخخخخخخخخخخ
الزبدهـ يوم قربوا من الطاوله وانا متشققه من الفرحه على الموقف وقربو وقربووو
تخيلووو حاطين صورتي واتا صغيرهـ على الكيكه وااااااااااااااااااااااااااااااااااااااااااااااااا ااااء الله لايوريكم على المخلووق اللي كان فيه قسم بالله شكلي يفشل ومنظري كان غير حظاااري
ههههههههههههههه
ولما وقفوا الغنى وكذا لاشعوريا .. رحت قلت للي حولي واللي يغنوون .. اسمعووا صدق انها انا اللي بالصوره بس قسم اني كنت اجمل على الحقييقه .. < كلهم ماااااتووو من الضحك لدرجه ان وحده جت وحبتني خخخخخخخخخخخخخخ لانها طلعت عفويه
هي الصوره كانت وش حليلها بس بالنسبه لسني وتعرفوون صور زمااان كانت يارب لك الحمد بس تفشل .. هههههههههههههههه
وصف الصورهـ : تخيلو اا 1 - كانت الصورهـ بالبر < حشى ضب
2- عمري تقريبا 9 شهور
3- جالسه على سجادهـ < عريقه ذيك الايام
4- الشي الاليم اني كنت خامه علبة ميرندا حجم عائلي وقسم بالله وماحلفتووني انها طوولي بالضبط واني ضامتها ضمه اليمه < خخخخخخخخخخخخخخخخخخخخخخخخ قسم اني تفشلت
5 - وشعري الله لايوريكم ساحتين تفحيطمن الجوانب وغره بالنص يعني شبهه
تخيلوووووا شكلي قسم بالله بعذري انصدمت .. بس هم عجبتهم هههههههههههههه < اتوقع يجاملوونتس
رحت عاد ودقييت على امي اول مارفعت الخط امي فاقعه ضحك قلتلها يعني انتي عارفه مااتت ضحك زيادهـ وقالتلي احمدي ربتس ماحطيت ام قميص نووم اللي يسحب من طووله < الله لايوريكم على المنظر ايضا غير حظاري خخخخخخ
وبـــس طلع اليوم قسم بالله كله على تعليق على الصوره .. ويوم قطعووها تقاسمووا الي تبي
يدي واللي تبي وجهي واللي تبي رجلي واللي واللي ..... .. وبعدها عاد اخذت الهدايا وكانت من جد تهبل يارب يخليلي اهلي وصحباتي سولي جو وكان يوم تحفه من الاخر يعني