أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.
كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
صباحكم ورد ياسمين
زمان عن المدونه مسكينه دوناتي غبرت
بما ان زمان عن السوالف وانشغلت بالمعهد
والشهر هذا موقفه مافي معهد عشان الاختبارات موقفين
ومن يوم طلعت من المعهد ماطلعت مافي غير الطفش والنوم الملخبط
وصار وطلعت ليله الجمعه وانبسطنا اشويه وغيرنا جو
وقبل مانطلع من المول طلعنا انا وريوحه نطلب لنا ايسكريم من ماكدونالدز
وريوحه واقفه تطلب و انا انتظرها بعيد اشويه واشوف اثنين مصرين مقبلين عندي
وانا واقفه وانحشرت
انا بوسطهم يتخانقون كل واحد يبي يطلب للثاني
وكل واحد منهم يعزم على الثاني
الاول .يقول انا ئولت لك عاوز تاكل ايه واللهي لتئول
ويرد الثاني ويقول له لا واللهي لأانت الي تئول
ئول عاوز ايه وانا حطلب
وانا ضايعه وسطهم قلت انا طالت السالفه بينهم بخربها وبقول
لهم ياخي كل واحد يطلب لنفسه وفكوناا من هالشغله ولا انا اللي بطلب لكم وبجلسكم على طاوله ههههه
كل مره اطلع للمول يكون اخوانا المصرين كثيرين احس حالي بمصر وانا ضايعه بينهم
اخوانا المصرين فله ربي يسعدهم
سالفه صغيرونه ع الطاير .لان زمان عن المدونه
ديرة هلي ..
والصبح فيهاممتلي ... طهر ودعاوي صادقه
وبيت صغير ... وصوت امي تقول ...يالله قوموا للصلاه ..
والليل في ديره هلي ..يشبه لـ أحلام البنات ..
رايق ونسناسه عليل....
يسرق من عيوني المقيل ...
وتقول وش زود الحسا !!
الصبح له لون وطعم ... والليل فيها له نغم
والناس تعطي من كرم ..
لاعادتسال عنها !!
تعال ومر وغنها !!
بتحس في معنى الحياة !!
لاعشت مره بالحسا