أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.
كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
بسم الله الرحمن الرحيم
قصتي مع الكلب توني
طبعا كانت يوم الاربعاء يوم كنت موظف وانا طالع من دوامي ولا واحد من زملائي بالدوام طبعا انا كنت اعمل في مجال الطيران وزميلي هذا كان طيار وكان عايش في امريكا لمدة عشر سنوات تقريبا يعني بالعربي الاخ نظامه بالبيت امريكي
الزبده انه اتصل فيني ويقول تنه عازمني علي عشي ( مفطح ) وقلت انت وش عرفك لسوالف هذي قال العشا لخاله جاي من حائل وابووه اللي مسوويه ويبغا خاله يشوفني بصفتي خويه وزميله وعلي قولته اني ارفع الراس المهم قلت متي العشا قال بعد صلاة العشاء تكون عندي بالبيت قلت ابشر
واروح للبيت واشيل الثوب والشماغ والبشت الشتوي ( وبر ) عشان كنا بالشتاء ويوم اذن العشاء واروح للبيتهم معزوم
كااااااااااااااااااشخ
بالبشت والشماغ والعقال وعلوم الرجال
المهم يوم دخلت البيت بيتهم كبير وفيه ملحق علي يدك اليمين اول ماتدخل قالي زميلي او ماتجي تعال بالملحق نجلس انا وياك لين يجتمعون الرجال
طبعا او مادخلت رحت للملحق
واول ماصرت بين باب الملحق وباب الحوش
ولا فيه صووت وراااي عند البشت (ععععععععععععع) والله واناظر ولا هذا الكلب اللي كنه ناقه لعنبو بليسه
واحط رجلي ركض ولا مايمديني علي باب الملحق علي مافتحه امداه اكلني الكلب
واحط رجلي يمين وبجنب المسبح ولا الكلب ورااااااااااااااي بس مايمديه يلحقني سرعتي عند الخوف تتعدي سرعه الصووت بضعااااااف مضاااعفه
المهم وانا اركض ولا انا دااخل حوش الحريم ولا مافيه إلا باب الصاله وادخل معاااااااااااااه
ولا الحريم اللي تصرخ واللي ركبة الدرج واللي ركبة علي الكنب واللي دخلت اقرب غرفه ويصيحوووون والبزااارين حدث ولا حرج
المهم كان اقرب باب لي باب المطبخ وادخل فيه ولا الشغاله معها اكواب وملاعق وتحذفهم ولا فيه طاوله بنص المطبخ وانقز عليها ولا الكلب نقز وراااااااااااااااااااااااي واروح انقز فوق الثلاجه يااااااااازين الخف زينااااااااااه المهم جلست فوق الثلاجه والكلب ينبح والحريم يصيحووووون
كني قطوووه وربي المهم جاااء خوي وابووه واخوووانه علي صياح الحريم ولحقو الاثار اللي بقت مني النعال الله يعزكم وحده عند باب الملحق
والثانيه برجلي والبشت يطفح فوووق المويه بالمسبح
والمهم دخلو علي ولا انا فووق الثلاجه والكلب تحتي ينبح المهم بكلمه من زميلي علي الكلب قاله ( قووو توني ) وسكت وطلع بخلاااااااااق
المهم تخيلو شكلي فوق الثلاجه وابوي خويه وخاله واخوانه تحتي وانا بمطبخهم فووق الثلاجه طبعا قالي ابو الولد انزل قلت ماني نازل
وسألني انت ولد مين
هنااااااااااااااااااااااااااا حسيت بالموقف
( قووو توني ) ها ؟ اهم شي الاخلاق وحب الوطن
ههههههههههههههههههههههه والله عليك حركات شي فوق الخيال
بسرررررررررررررررعه عجل بالحلقه الثانيه ولا تكثر من البريك لانه هذا الشي الوحيد اللى يدمر اعصابي ههههههههههههه
تحياتى لك
اختك هموسه
( قووو توني ) لوووووووووووووووول الله يعز الحكومه ههههههههههههههههههه