1 / وش سيارتك وش لونها ؟!

فورد .


2/ تحب التعديل ؟ واذا ايه وش عدلت به ؟!

لا


3/ اخر مره غسلته متى ؟!
كل يوم


4/ من علمك السواقه ؟!

شطانتي ههههه اخوي الكبير


5/ اول سياره سقت شو هيا ؟!

من قدي ونيت غماره



6/ وش المكا ن اللي اول مره جربت السواقه فيه ؟!

بالحاره


7/ اول سفره لك بالسياره وين ؟!

الديره تبعد 300 كلم


8/ اول حادث صار لك >> بعيد الشر

كان بعد مبارة للهلال فوق كبير الصناعيه القديمه يعني الملعب بالملز


9/ اول مخالفه لك ؟!

فيه بس ما اذكرها



10/ تحب تفحط وتطعس اخر مره فحطت متى ؟!

التفحيط ابداً ولا اطيقه . . اما التطعيس فنعم

11/ صدمك واحد ونزل يكركر يغشى وش تسوي ؟!

باحمد ربي وبشوف هو صاحي ولا مهبول وش هالي يصدم وينزل يضحك شين وقوي

عين هههههههههههه



12/ ركب معك واحد وانت توك مغسل سيارتك وقعد يفص فص وش تسوي ؟!

افصفص معه الوضع فري عادي جداً


13/ ركب معك واحد مرتن اوخرا وقعد ينبش بعفشك تسك له ؟!

اذا يمون عادي لأن السيارة مافيه شئ خصوصي مره كلها اشرطها ومن جنبها اما واحد يعني معرفتي به قليله يعني راكب مع احد من زملائي وجاي معه بقول له بكل ادب اتركها لا تنبش بشئ مالك فيه صلاح.


14/ شخص ودك دايم يركب معك قدام ؟!

يخليها لي ربي ( ام عبدالله ) يطول بعمرها ربي .
ادري السؤال شخص !! زميل لي اعتبره مثل احد من اخواني لأنه زميل طفوله .


15/ لو جا احد وطلب سيارتك بيروح مشور صغنطوط تعطيه ولا ؟!

على حسب هالواحد يستاهل اعطيه السياره ا نبغا يسافر عليها مو يروح مشوار وبس اما والله مو كفو لا والله يهبا هههههههه


16/ بتروح رحله بسيارتك من تختار من الاعضاء يركبون معك ؟؟

كثيرين ولا ودي اذكر احد عن احد ثاني اعفوني من الاجابه على هالسؤال ؟ ما يبي يجرح مشاعر احد .


17/ من رفيقك وونيسك في مسك الخطوط ؟!

ولد عمي .

18/ سياره تتمناها وسياره ماتطيقه ؟!

اتمناها لكزز 420 موديل 2006 . الي ما اطيقها الجيب الشروكي



19/ اذا وديت سيارتك للصيانه تجيك تكه ولا الوضع ايزي ؟!

ايزي لأنه فيه سيارة ثانيه

20/ كلمه توصف فيها سيارتك جنينتك ؟!

الي الحين الفورد عاديه لأنها مالها فتره معي قريب شريتها . اما السيارة الي قبلها مطلق عليها اسم ( أم الجمايل ) لأنها جاها كرررررررررررررف يقال كرررررررررررف والكل من اصدقائي عارفها وكانت ماشيه لا تتعطل كثير ولا تتطلب كثير .

اخر شئ صور :.


افتح لي الكبوت وصوره لي ..
صور لنا مكانك وانت جالس بالسياره ..
ميداليتك اللي معلقها ..
مكان الاشرطه والخرابيطو ..
افتح الكبوت ههههه حلوه ابصور السيارة بكبرها وبس وش هوله هالتجزئه هههههههههههه


وبس


اكيد بس مافيه اسئله ثانيه عن نوع الزيت الي استخدمه للسيارة والسيفون متى اغيره ههههههههههههههه سلمتي عزيزتي الكريمه على هالطرح والأسئله من جد اعجبتني كثييييييير تغيير لنمط المنتدى والحوارات الجديه والحياة الزوجيه ومشاكلها استمتعت وانا اجاوب


عسى ماكلفت عليكم



لا ابد الواحد يجلس يجاوب على هالأسئله ساعتين مع التنسيق والتذكر هههههههه امزح معك
يسعدك ربي متمكنه من غلاها وشدي حيلك وتابعي الموضوع لأنه من جد مميز

مدري الي يختار انا او انتي على العموم اذا انا الي اختار
(( اخوي الكريم فاقد الحنان )) بس اذا ارسلتي له اصبرو عليه لأن دخوله للمنتدى كل اربعاء وخميس وجمعه لأنشغاله بالدراسه .







الــ ع ــطشان