الصدر ضايق يابدر والمصيبة=نمسي ونصبح والفكر دوم مندآش
أحد(ن)على الدنيا علومه طريبه=وأحد(ن) على ماقيل ياطاش ماطاش
من أول(ن) مـاخالج الحق ريبه=ولآحترقت انفاس(ن)ولآهالفكر شاش
ومن أول(ن)والذيب تسمع قنيبه=بروس النوايف مرقب(ن)كل مطرآش
واليوم رآحت للثعآل السبيبه=اللي تّشكل بالحصيني والأكدآش
وسآع الذمم سود القلوب الكئيبه=تبيع وآحدهم على السوق ببلآش
يآصاحبي بها الوقت راحت سريبه=علوم المراجل بين صايع وبواش
اللي نواياهم خذوني واجيبه=ولو ترجعه لأصله تلاقيه مـاهناش؟
ياجعلهم فدوتك يآورث هيبه=انت الذي في طلته الحرف ينباش
شاعر صميدع عزّ من ينتخي به= ظفر(ن)كريم وللمهمات شوآش
آخذتني مني وجيتك نهيبه=مدري على المعنى؟او شي بالجآش
إلا الوكاد انه بيوتك عجيبه=بديتهآ بأيه وأختمتهآ بأآآش