و ..
حتى لاأشعر بأن بيني وبينكم حاجز ما !
آليت على نفسي أن أشارككم قبل كل شئ ..
فـ شكرا ً لـ سالفة عشاق على دعوتها الكريمة ..
وشكرا ً للكريم الأصيل النبيل / شمالي على فخامة ترحيبه وإحتوائه ..
وشكرا ً لكل من كتب حرف لي هنا ..
فقد تجوّلت في أرجاء هذا المنتدى الجميل ..
و وجدت أنكم أكرمتموني قبل مجيئي هنا ..
فلكم ومن أقصى نقطة بالروح الشكر الجزيل المبلل بالخجل ..

يامحرابي ..
أبشكي فيك .. " غيّابي " !
أنا الـ مرمي معاهم
" مو معاهم " .. هاك واقرا بي !!

.
.
.

الصبح هذا من بياضك كساني ..
.................... بسمه لها عامين مامرّت شفاي !!

كن النسايم من شذاها أغاني ..
................... كن الأغاني من شذاها/ هداياي !!

هاتي يدينك مابقى لي مواني ..
................... فيني من اللي راح مايخجل الجاي !!

ودي معاك ارجع/ ونرجع ثواني !
................... لـ جروح طابت / للتناهيد / لـ غناي !!

خليني افقد في مكاني / مكاني !
.................. ودي أحس بـ لهفة الروح / وخطاي !!

الليلة بـ سكب مابقى من حناني !!
..................الليلة بشعل داخلك شمعة مناي !!

فتشت في صدري عليك / ولقاني !!
................. طفل ٍ يفضفض للعصافير ... شكواي !!

أنتي له أجمل من كلام .. المحاني !
................. وانتي له اصدق من دموعي وبلواي !!

شقيت ثوب الليل يوم احتراني ..!
................. صبح ٍ يطل ابـ مبسمه في زواياي !!

الليلة بـ رجع طفل مملي أماني !!
................. واشوفك أحلى ما ملكته من اشياي !!

ودي أرطّب كلمة ٍ في لساني ..
................ جفّت ..... ومعها جف ّ مايشبه الماي !!

معاك ابذكر ضحكة اللي نساني !!
............... لعلي أنسى ..ضيقة ٍ داخل حشاي !

معاك ودي أرجع إنسان ... ثاني !!
............... وارجع معك وياك من دون ... وياي !!!

و .. اغفري للعاشق المنفي حنينه ..
............ لا ارتعش وحده ورى حزنه .. ونام !

من رحلتي هذا هو .... الله يعينه !
............ يشتكي بـ دموع عينه ....... للحمام !

مالمحتي " آهته " وانتي ..حزينه
............ ماقريتي داخل عيونه ...... كلااام !

وكيف تتنفس ّ شذى عطرك يدينه
............ وكيف لامن جاه طيفك .. بالظلام !

هذا أنا لاضاقت بعيني ... المدينة !
............ رحت أدور باب .. ماخلفه آنااااام !

فتّشي عن شاعرك / يمكن حنينه !
............ يندهك ..لاجفّت أغصان الغرام !

ماكتبت الحزن لاجل إنك تبينه !
............ ولاضميتك بس لاجل ارجي غمام !

الحزن لاضر ّ ماضر بـ سكينه !
............ والتعب لامر ّ مامرّ.. بـ سلاام !

بـ سكب إحساسي وأمانه تشربينه !
............ لايموت بـ ضحكة عيونك /حرام !

شاعر ٍ ماصاغ لك من دمع عينه
............ أغنيات وحلم / شاعر أي كلام !!