مرحب هلا بالحر نسل الضواري=امعرب الجدين مابه نقيده
جبت البيوت اللي تهز الصواري=من راس وافي جعل عمرك يزيده
الحب بلوه يالقطامي وداري= لاني مفصلها ولا ني باعيده
حب ن يجي هادي وحب انتحاري=واخر كما مجنون ليلى العنيده
البرق لامنه لمع فالصحاري=يستبشر اهل الباديه من رعيده
الطير لاتهده وغيرك يباري=لانفض الجنحان من هو يعيده
مايختبي من هو بوضح النهاري=الصح صح وغير هذا مكيده
وخل الذي دايم يحب المذاري=هذي حياته متقي في عبيده
الباديه نبع السلوك الحضاري=وماكل عاري تحتميه وتريده
كتبت ابياتي ولاني بداري=شرقتها غربتها في وريده
ياعاشقين الحب عشق الحباري=خل الحباري كان تبغى مفيده
جتك القوافي من يمين ويساري=مجنون والمجنون هذا رصيده
هذي حياة الناس كنها اتاري = مبرمجه بطباع والله شديده
مدري مسكت الجرح ولا اماري= ولا خطيت وضعت وسط الجريده