حنيت أنا للوصـل مشتـاق أنـا لـك=يا كل شي افعمري من زيـن لشيـن
ليـش الجفـا دام الوفـا كلهـا لـك=ما كنت أحسب من عطا الحب مسكين
كلمـة أحبـك فالحشـا بهدهـا لـك=يا سعدي وفرحي وضياتـي والعيـن
وشعرن كتبته فيـك بـا غانهـا لـك=وأنت عسى فالحب تسمعنـي وتعيـن
ياللي فرشـت لدربك الـورد مالك=وشلون تقسى يا بعد كل غالين
هذي جزاتي يوم أجاوب سؤالك=بالحب أجاوب وأنتي كرهك تردين
ياللي معاك اصبحت فالحب هالك=ميّت أعاني جورك اللي تهلين
ما كنت أنا ادري فالهوى وش طرا لك=غير أنك اللي بعتي الحـب والزيـن
من يوم ذاك اليوم يـوم اتصـا لـك=يوم الزعل كنك على النـار تكويـن
قولي عسى ما شر وش فيه حالك=فيه الكدر والضيم قولين واحكين
قالت أنا اللي ساكنه في خيالك=عندي بدا لك واللي سواك من طين
قلت " الله أكبر " منهو ساكن في بالك=قالت حبيب العمر راع الملايين
راعي الفلوس اللي ليا منه جالك=يعطيك من ماله ولا يطلبك دين
فال الله المغني ولا كان فالك=واللي ذكر ما يحمل الجوف قلبين
لتعودي تتمني ( ياسر ) ظلا لك=لتعودي تبكين .. تبكين .. تبكين
ما في ابـد مثلـي فحبـه غنـا لـك=وأنتي في حبي قاسيه الطرف والليـن