صديت عنك قبل متقول صديت .=لجل المعزة جيت وأعلنت بعدي
بعتك ولا ني قائلن للهوى ليت .=ما مزح تراني بايعك شوف جدي
بقتل أحاسيسي لو اشتقت وحنيت .=ما أحب أنا من كان في يوم ندي
مثلي حرام يحب مثلك وحبيت .=كنت أحسبك بتمد يدك بيدي
جزرك ومدك في محبتنا ما وفيت .=وأنا الوفا في الحب جزري ومدي
وأنا السهر والشوق والحي والميت .=وانت الكدر يم الجفا والتردي
يعني انا اللي في المحبه تباكيت .=وانت الذي في الحب بيحت سدي
يعني انا بالحب والشوق فاديت .=انسان مايعرف يصون المفدي
يعني انا اللي من عذابك تقهويت .=مر الالم والآه والتيه هدي
رح ابتعد لني ترا جد مليت .=والصبر فيني واصل اليوم حدي
الموت اخافه وانتي الموت عانيت .=واثر انك انت الموت جابك لعندي
أول اخاف من المفارق ولحيت .=نفسي على طغواك ياحيف لدي
واليوم انا والروح والنفس (والبيت) .=كلن يطالب في حقوق التصدي
ودي اخونك واتركك واجعلك صيت .=كلن يذمه ياجنون التعدي
ودي اسيَل دمعتك لو تماديت .=مثل الدموع اللي انزلت فوق خدي
الود ودي لكن اني تناهيت .=الود ودي لكن الجو ضدي
باصد عنك حتى لو جيت وحنيت .=باصد عنك هجر جد وتحدي