ليت المحبـــة ( كــــــــاس ) !
وأقوى على كسره ..

وليت الكـــلام ( إحســـاس ) !
ماهو كذا حســـــــرة ..

يمكن بقى فينــا ..
نـقـشــة اســامينـــا .. وسط الغصن الأبكم ..

لكن !!
كل الطـــرق عســرة ..

غابت سماء زرقا .. وشمس .. وهبايب
ولا بقى لي غير .. ليل وبعض هَـمّ . !

يسألني العالـم عـن إنسـان غايـب
وعجزت من حزني عليـه .. آتكلـم !

توقعت البكى: دمع ٍ يغطـي عورتـه منديـل
وأثاري لمسة المنديل تنقص من علو شانـه

تأملت المسار اللي بدت فيه الدمـوع تسيـل
إلين إن زلزلت حصن الجفن من ركل بيبانـه

دريت إن الحزن قام يتنكر فـي عبـاة الليـل
على هيئة عجوز ٍ من بنات الفكر .. غيرانـه

تريد من الحشى : بيت المواجع والقهر والويل
ولاتملك سوى ترديد جملة (( راحت فلانة ))

.. الــكـــآبــــــة ..

أن تكون وحيـــدا ً ..

وأنت في أمس الحـــاجة

للـــــكلام .. !

................. للـــــكلام .. !

.................................... للـــــكلام .. !

.. المراية ..

.. أصدق إنسانة

.. تصارحني وتكشف لي عيوبي

ظنك الدنيا تنسينا بعضنا !

لك معي بأكثر تفاصيلي

ملامح ..!

............ ملامح ..!

.......................... ملامح ..!

إمسح أبياتي من الدنيا

وأنا والله مسامح !

خل الملامح واضحه .. لاتغطـى !
ودي أشوف حكايتي فـي ملامحـك

عندك عيون ان شفت رمشه تبطّى !
دريـت بإنـك تنتظرنـي أسامحـك

أتمتـم بالكـلام اللـي كتبتـه وأمسحـه لانمـت
أخاف أحلـم وأكمـل ماكتبـت وينفضـح سـري

ويدرون الملا عن ماحبستـه بالحشـى وأقسمـت
أخبيـه لذبـول آخـر ورود الحـب فـي حجـري

ومر الوقت وإحساسي مابين آلمـت / مـا آلمـت
وظهـري يرقبـه عيـن ٍ تلـد تشـوف مايجـري

وفجأة .. خالط الموقف شهيق المذنب اللـي لمـت
ونبظاته بـدت تزعـج حشـاي وتقتـرب حـدري

مسك كتفي وهو يهمس ( تراني في غيابك صمت )
وحظني وأنفتح دفتر دمـوع ٍ مـن شهـر مقـري

نزعت إيده ونفضت اللي بلبسي من غبـار وقمـت
وخليت الذي يبكي ورى ظهـري .. ورى ظهـري

وط صوتك حبيبـي .. السمـاء تسمعـك !
ليه تفضـح زعلنـا البارحـة لـالمطـر .

ماتخاف إن لمحك تصيح .. جـاء يتبعـك
وتغرق هالمدينـة .. مـن سبايـب قهـر

صب كـل الحكـي بإذنـي ترانـي معـك
وإن سكرت .. إعرف إن عيني تحسبك خمر

ولا تقول الهبـوب اللـي مسـح مدمعـك
والله أن أربط يديـه .. بيديـن الشجـر ..

ما يمسّح دموعك .. غيـر مـن يمنعـك
ومن يبي يمنعك غيري .. مدامك سحر .. !

خلني بيـن قلبـك وبيـن نحـف أضلعـك
يمكن إن شافني قلبـك .. يـدور عـذر .

لا وصلت لغـلاك .. ولا قـدرت أجمعـك
ولا بقى بيـن هالثنتيـن .. غيـر الصبـر

المسافة وضيق الوقت .. وأشواقنا !
والكلام .. ووجيه المقبلين السمـر

والسؤال الوحيد اللي من أعماقنـا ..
ودي أسأله قبـل إن الدقايـق تمـر

القدر أو ظروفك .. أيهـم عاقنـا ؟!
قل لي إن كان باقي لي بعذقـك تمـر

حسبي الله على اللي سبـب فراقنـا
ما رحم وقفة الذل وعيوني الحمـر

كل ساعة تعدي تخنـق أعناقنـا ..
كن حروفي حفاة وأرض وقتي جمر

لا يطول الزعل الله يخليك
ما يفيد الزعل والله فديتك

يا صغر هالدنيا بعيني وأنا آصيح !
ويا كبر هالدنيا .. بعين الشماتـه

ما مر في بالي من سنين تجريـح
كثر الطعون اللـي طعنهـا بذاتـه

من بعد ماكنت أترك رضاي للريح !
هب الهبوب وطير أصغـر فتاتـه

أرض الأحلام و أشجـار الأمانـي يبـاس
و إنـت ظالـم .. ولكنـي أحبـك كثيـر !

واضح إني خسرتك للأبـد و إنـت حـاس
خلك أقوى شـوي و إعتـرف بالمصيـر

رحت .. يوم إرتوت فيني عذوق الحماس !!
مثل من ياخذ اللقمـة مـن أفـم الفقيـر

أنا أذكر .. كنت ساكت وقتها لين الهبايب جـن
تفتن عن حكي خطواتهـا .. وتضيـق أخلاقـي

إلين أثقل على كتفي همومي .. وإرتكيت الظـن
لعل اللي وطت ورد الغرام .. تـروف بالساقـي

ولا بانت علـى ذيـك الملامـح باينـة أبـدا ً
سرت مني هناك وجفّلـت مـن كـان يشتاقـي

وهذاني .. بعد مامرت سنين أتذكره .. وأغبـن
كأن الجرح أمس .. وملمسـه مـازال حراقـي

وكأن الصوت فارقني هنا .. كل مابغيت أحـزن
وخلالي مساء وصّى المكـان يفتـش اعماقـي

جالس أعد بآخر الأيـام كـم مـره إنجرحـت
وإذا عرفت .. أسأل ثمين الوقت كم منه إنسرق

وأضحك أبي كل البشر تدري وإذا صديت صحت
ماودي العذال تشمت بـي وأنـا ميـت غـرق

وأنا وقفت لضيقة الفرقا وضاقت بـي وطحـت
إلين قلت بصوتك المبحوح " مابـي نفتـرق "

حبيبي إن كان الفرح صادق فأنا والله فرحـت
كنك رجعت تعلم الأيـام ويـش اللـي فـرق

أمس أكتب أحزاني من الحسرة ولا مره مسحت
واليوم آشب بدفتر الذكرى وأشوفـه يحتـرق

الليلة البدر يحكي لـك كيـف بالهـم إنذبحـت
كني سجينن كل ما يحكي عن عيالـه شـرق

الليلة بتعرف شكثر تطري علي لامن سرحـت
وتشوف كيف أشغل طواريك بسواليف الـورق

كانت " هنا " !

مابين أحزاني .. وأنا ..
جت ترمي الدنيا علي ..

وتروح ..

في ليلة " عنـا " !!

كانت " هنا "

طاحت سنيني من يدين أحباب !
من وين أجيب أيام وأحيآ بـه ..؟

على بابك !

تذكرت البراد وريحة ثيابك ..
تذكرت الحكي والهمس
تذكرت الكلام اللي عن إسم الشمس !

هنا من أمس ..
أنا واقف على بابك ..
وأنا أدري !

ما ورى بابك فرح ..
يا وردة أصحابك !


ولكن ..

لي أمل بإن الخفوق اللي إنجرح .. يقسى !

ولا ينسى ..

لأنك أجمل اللي صار لي في عمري الماضي ..


أنا واقف ..
على بابك هنا !
أبكي على غيابك ..

أنا واقف ..
على قلبي أنا !
كله من أسبابك ..

للمحاجر كلام ٍ ينسمع اوله !
ينقطع لا ارمشت عين الحزين ونوى ..

وللمحاني تناهيد الغريب لهله
عشب الأحلام غادره السحاب وذوى

وإنتهينا !

والزمن يضحك علينا

لا بكينا !

والوداع اللي دريت إنه نصيبي ..

ياحبيبي ..

مو بيدينا !!