لقد جبت لكن شي تحبونهو

على فكره قبل أدرعم في الموضوع .. فيه واحد يمون عليّ .. يقول ياخي وش يدخلك في ذا القسم وهو نسائي .. شكلك تحاول تحتك

عاد أنا تكرنت عليه وقلت له .. شايفني لاعبن في جلدي الجرب يا جعلك الحتسه (تدليع للحكه) اللي تخليك تمترش (يحتك بكل ما أوتيت يديه من قوه وبدون توقف) على جدار .. وش اللي أحتك فيهن؟!

أصلاً كلهن خواتي ومحد يتغطى عني .. بعدين أنا إذا لقيت في ايميلي الداج شي زي تسذا ما يصلح الا لهن .. قلت خل أسدحه قدامهن إن أعجبهن وإلا رجعناه على "فرّقنا" اللي نطل الـ "بقشه" في نيميلي وراح <<موب تسنك طلعت في الشارع وخليت الموضوع الصدزي؟!

بعدين أنا حريص إن خواتنا يصيرن وش ملحهن بشكلن أزود من اللي هن فيه

يعني يصيرن .. متزكرتات ومتكشخات .. موب تجي الوحده "مهتوله" (تلبس بشكل عشوائي وصايرتن تسنها مدرج ملعب في كاس العالم <<أنواع الألوان) و "خبخبة" خلاقينها تسنها صوت خيمه تصافق من الهوا .. وإذا مرت حول قهوه والا سفرتن ممدوده قشت الدنيا في طريدزها تسنها متزهلتن بتنظيف الصاله خخخخخخخ

لازم يكون فيه تكتكه ورستكه في اللبس .. عشان ما تزوغ عيون التماسيح <<أهم شي دور عذر وخلاص

المهم يا خواتي العزيزات .. ذا المجموعه عندي من فتره وتأخرت في سدحها هنا .. تسانها "آوت اوف ديت" وإلا "أولد فاشون" .. يعني غبار .. علموني عشان ما أفك باقي البقشه وأجيب المجموعه الثانيه .. والله يخلي محلات كل شي بخمسه بأدفهن هناك يصرفونهن خخخخخخ يعني ملبوسات ملبوسات <<ملبوسات والا مفروشات كح كح << اطلع أزين لك

واستروا ما واجهتوا <<ما ودك بعد تقول كل واحد يصلح سيارته انت وأمثالك اللي ما لها دخل <<دخل والا بديعه كح كح يعني اني من الرياض


تفرجن .. وتمقلن زين ما زين .. وموب شرط تشترون .. بس لا تحوسن البضاعه









































إن شا الله لقيتوا شي يعجبكم



دمتم بود وألف خير