ياما رهنت الشوق كله لماضيك=مخلص بحبك دايم (ن) فيك داله
ولا هو صحيح اني تخليت مابيك=وحبك حرام اني مادور بداله
طيفك يناجيني واهوجس واطاريك=ياحظ دربي كان دربك صفاله
واليوم كانك تاخذ القيل مابيك=معادله: والحب يكفي سؤاله
خل العواذل ماتفيدك وترضيك=غيرة عذول وفيك هذا مجاله
لاتفضح الاْسرار اْنا حيل مغليك=ياللي فداك القلب واللي جراله
مليت لاتشكي ولاْني مشاكيك=دام الزمن وانت الزمن وانت فاله
ولاتسمع اللي جاك فيني يناجيك=هذاك حلمه كل قلب (ن) لحاله
ياصاحبي من صدق الاحساس ابعطيك=شف اختيار القلب واللي طراله
تعال بضلوعي واْبسكن محانيك=والوصل لايرخي زمانك حباله
وكانك تبيني بالمودة مصافيك=خل الغرام بصدق نروا زلاله

الموضوع الأصلي: ياحظ دربـــي || الكاتب: برق الشمال || المصدر: منتديات الأماكن

المصدر: منتديات الأماكن