انا فكرت كتير مع نفسى وقولت العيب فى مين العيب فى البنى ادمين ولا العيب فالزمن اللى عايشين فيه
الناس بقت وحشه فى بعضها ولا ايه والنفاق شغال على ودنه
الواحد يشوف صحبه جاى عليه حبيبى وحشنى ياض وبعدها قبل ما يديلو ضهره يقعد يقول امشى يابن الايه دا انت خنقه واصتبحنا عالاشكال العكره دى
والصاحب اللى يبيع صحابه عشان خاطر بنت بتحاول توقع بينهم وتقوله دا مش بيحبك دا بيغير منك والواد العبيط يصدق ويمسك فصاحبه
ولا البنات اللى بغيرو من بعض فى كل حاجه يعنى لو كلت لبانه هتغير منها وتاكل لبانه خخخخخخخخ
الواحد مش عارف يعمل ايه معدش بيثق فى حد حتى الواحد خايف يجى وقت مش يثق باهله كمان مع انها بتحصل برده فى زمنا دا
فاجى اقول العيب فينا احنا ولا بالزمن يقولو لا الناس ايام زمان كانت حلوة فبعضها كان خير زمان فارجع واقول يبقا العيب فينا مش فالزمن والطيب دلوقتى بيسموه اهطل وغلبان مع ان كلمه غلبان يعنى مش لاقى ياكل غير طيب بس الناس ولا فاهمه حاجه
الطيب بينداس والمفتح بيقولو عليه صايع طب الحل ايه فى الزمن اللى عايشين فيه
الحل ايه