دنيآ .. بدونك يابعد كل من كان
وش عاد ابي فيها وليه ارتجيها !
اعيشها وحشه وضيقه وحرمان
استغفر الله / مير ماعاد ابيها
ثيابي اشبه في غيابك بـ.. الاكفان
وايامي بلياك / تبت يديها !

حيل الله اقوى مابقى في يدي شيّ = مافيه حل ٍ في يديني.. ذخرته
حاولت .. لكن المحاصيل هيّ هيّ = الطير طار ولا بقى الا شجرته
وقفّت اشوف شويّ واغمّض شويّ = واللي انكسر في خاطري ماجبرته
لين الحقت شمسي على بارد الفيّ = وشفت ان كل اللي جمعته خسرته
من كثر ماعزيت ريقي عن الميّ = ملّ الصبر من كثر صبر ٍ صبرته
كم هقوة ٍ ضاعت على سكة الغيّ = وكم حلم فـ( تراب ) الحقيقه قبرته
واقف .. وطعنات الزمن كلها فيّ = وساقي لو انه كلّ مني / كسرته
بعد ماعاش اليأس في احساسي الحيّ = اخوي .. لو هو صد عني عذرته
مدري عن اللي كنت احسبه بقى ليّ = اللي حزمت ابه الضلوع وذكرته
اللي طوى حالي بحكم الهوى طيّ = قصّر .. وانا كل الطريق اختصرته
ماهو خطاء لاقلت ( تأمر على شيّ ) = الا الخطاء .. لا اشتقت له وانتظرته

حاولت اسلي خاطري قدر الامكان
آثر الهموم .. تحدني واحتديها
كم ضيقة ٍ جاهدتها صبر وايمان
تفجرت .. وانا عجزت احتويها
وقفت .. مالي من بعدك اي عنوان
قبل ابتدي كل الدروب / انتهيها

الموضوع الأصلي: أبـآخذ أوجـآعـي وأروووووح || الكاتب: المانشستراوي || المصدر: منتديات الأماكن

المصدر: منتديات الأماكن