ماهقيت انك كذا قاسي وراسك عنيد =ماتصدق بالعذر وانت فاهم مقصدي
كيف تتركني مع الوقت وجروحي وحيد=ماطرالك كيف اببقا حزين بوحدي
الهوى دقه قديمه ولكن الجديد =حبك اللي في مدارات فكري كالجدي
اسكني بين المحاني مثل نزف الوريد = وكل عرق ماخضع لك فلا يحيا ندي
اشربي نزفه وانا برفع الرايه شهيد =لاجل عينك بدفن القلب في لحد جهدي
الذكي اصلا ذكي والبليد اصلا بليد = مايحل المسأله لو حدا عقله حدي
والوداعه عند اهلها ولا راحت بعيد =وان بغيتي تفهمين الاجابه فنشدي
انشدي غر السحايب عن ملوك القصيد=بارك الله في السحايب وفي راحت يدي
والله انه مايفل الحديد الا الحديد = سقت عمري في رجا رجعتك وانت تعدي
وان رحلتي ياعسى ديرتك عني بعدي = واذكريني كيف انا كنت بالحب اجودي
اذكريني كل ما مر في سمعك نشيد = ولا سمعتي صوت ذيب بخبتٍ أجردي
من يعرف الغازية لا يدور للمزيد = النقي ابن النقي والردي ابن الردي
انتي تريدي وانا اريد والله من يريد= واسمعي مني كلامي وبعطيك وعدي
ان قسى راسك ترى راسي الشامخ عنيد = ولا تصدق بالعذر وانتبه من مقصدي

الموضوع الأصلي: ما يفل الحــــــديد الا الحـــــديد || الكاتب: أروع جليس || المصدر: منتديات الأماكن

المصدر: منتديات الأماكن