أخواني وأخواتي اليوم ودي اطرح عليكم موضوع خطير ألا وهو ضرب المراءة ضرب الأخوة لأخته ضرب الزوج لزوجته العنف ألي يمارس على المراءة
يمكن حكيتوا عن هالموضوع مرارا وتكرار بس هالموضوع يستاهل أنا نحكي فيه
عشان نوعي بعض ولنوصل رسالة لأتعلم أخي(أختي) فقد يكون بيننا من يعاني من نفس المشكلة فننبهه لنفسه ويعود لربة ويخاف الله في خواته وبنات الناس !!!!!!!!
هذي بنت الله يسلمكم عمرها 36 سنة بنت نحيفة وجها شاحب عيونها آه من عيونها اقدر أشبة عيونها بالأرض الجدباء اللي مايسقيها مطر هذي دموعها دموعها جفت مع السنين من كثر ماهلتها تروي قصتها بحضوري تقول البنت معانتها مع أخوانها الخمسة منهم اكبر منها وفيهم الأصغر تخيلوا إخوانها يصبحونها بطق ويمسونه بطق على الطالعة ونازلة على الرايحة والجاية من ضمن المواقف ذكرت لنا موقف أخوها ألي اصغر منها ب 19 سنة كان يبي خبز وهي ماسمعته وراحت غرفتها دخل عليها وطب بطنها ضربة ضرب مايضربة كافر لمسلم وبعد ماخلص
قالها بكل سهولة ( عشان لاقلتلك أبي شي تجيبينه بسرعة ) ؟؟؟!!!!
ياالله ضربها عشان كذا وش ذا الناس والبشر وشذا التفكير والمرض لها الدرجة
أنا لاشعوريين قلت الله لايوفقة قالت لا اخوي لاتدعين عليه أنا هنا معاد صبرت بكيت ماقدرت أتحمل كل ذا السنين والضرب والأهانة وتخافين عليهم أي قلب تشيلنه أنتي يالله !!!!!
تدرون أن هالبنت تحكي شوي وتجلس تسرح 5 دقايق تفكر وترجع تكمل تدرون ان يدها اليسرى تعوقت من ضرب أخونها لها يلوون يدها ويضربونها بقوة أمها سلبية لأبعد الحدود بنظرها العيال هم الأهم وإخوانك يبون مصلحتك أي مصلحة تجي بضرب ولأهانه مآبي ذا المصلحة وين العقل وتفكير؟؟ وين اللسان؟؟ ليه ربي خلقهم لنا !!!
أبوها الله يرحمه متوفي البنت لما كانت بالثانوي بعمر الزهور والبراءة تقدم لها واحد وعشان تنحاش من ضيم أخوانها وافقت كان متزوج وعنده زوجتين ها اللي تقدم لها تملك عليها وبوقت الملكة استدرجها قالها بنروح نشتري أثاث للبيت أهلها وافقوا( والبنت راحت مبسوطة أخيرا بعيش بصير حرة
اخيرأ اضحتكلي الدنيا )
ماتدري أن الحظ معاندها مومعها أبدا خذها للفندق ارجع اكرر البنت بثانوي صغيرة ماتعي ولأتفهم تكرر معها مسلسل العنف بالقوة بالأجبار بالضرب حتى سلب منها اعز ماتملك وهو توه ماجا وقت زواجهم ضربها وهانها وقت ماهو يسلبها شرفها وكرمتها سألها سؤال!!!!
وش علاقة أخوك بأختي !!!؟؟؟
المسألة كانت انتقام نعم انتقام تستغربون حتى أنا استغربت زيكم كان بيتقم من أخوها لان أخوها تقدم لأخته أكثر من خمس مرات وكانوا بكل مرة يرفضونه وهو يصر يجي يخطب الرجال شك قال أكيد أختي مسوية معه علاقة ولاما كان جاء يخطب
وإحنا نرفض ؟؟!!!
شف التفكير يدمرها عشان شك عشان تفكير طيب أخوها ماأجرم طلبها بالحلال زوجه... ياأخي وش السالفة!! يقدر يوصلها بالحرام بس هو اختار الحلال
طيب وشذ نبها هي!! وش سوة بدنيتها عشان كل هذا يصير لها!!
رجعها لأهلها وطلقها بملكتها...!!!
ضحية أخوان مريضين وزوج شكاك ضحية انتقام ضحية مجتمع كامل وغيرها الكثير من البنات اللي ماندري عنهم في الخفاء منهم من مات وماتت معه قصتها ومنهم من طالب بحقوقه وصرخ وكلن سمع صرخته ومنهم من عاش وما عاش مثل هالبنت المسكينة تحس أن الهم يا كل منها ويشرب مابقى فيها حيل تتحمل شي اصلأ ماعاد تحس بشي هي!!!!
وربي بكيت مع كل كلمة قالتها وتعبت نفسيتي معها ومع قصتها
والحين أبي كل من يقرا معي يقول آمين عسى كل من سقاها المر يذوق من نفس كاسة عسى يلقاها بكل خطوة يمشيها حسبي الله ونعم الوكيل فيهم.....
ياشباب خافو الله في خواتكم يأزواج خافوا الله بزوجاتكم الرسول صلى الله علية وسلم قال( رفقاً بالقوارير ) الله عز وجل قال بمحكم كتابة ( واضربوهن ) أتعلم مالضرب هنا بمعنى الضرب بدون اللحاق الضرر بها مو العب بأختك كوره وصقع رأسها بالجدار وشوتها!!
البنت كائن رقيق حساس أي ضربة ممكن تكسرها أبي أرائكم كلكم بصدق والي سمعت بقصة مثل هالبنت تطرحها شكرا مقدماً على التجاوب دليل طيبتكم اعتذر على الأطالة تقبلوا تحياتي أختكم نـــــونـــــــه