أهلين أختي دموووع

أفكار حلوة بس مو كلها عملية

أهم شيء إنها تغير زوجها من جوىىى

عشان يتقبلها زي ماهي

أول شيء تعمله لازم تحاول تكتشف اش اللي غيره ناحيتها

ودا الأساس

لأنه كل دي الكماليات ماراح تأثر في الزوج

لو العيب اللي مضايقه لازال موجود في زوجته

وأهم شيء تحسسه إنه مالها غيره وفوق كدا إنه أول اهتماماتها

وإنها مستعدة تعمل أي شيء عشان ترضيه

بس طبعا بأفعالها غلط إنها تتكلم

لازم تخليه هوا لما شيء مضاسقه يجي يعترفلها من غير ما هيا تفكر وتحس وتتخيل وتتاوه وتتنبأ

اهتمامها بنفسها هدا لازم يكون شيء أساسي

غلط إنها تستناااه يزعل عشان تلبسله وتتربتبله

لازم كلمات الحب دي تكون في لسانها لدرجة تخلي زوجها يحس إنها كلمات عادية

وما يعرف قيمتة هالكلمات غير لما هيا توقف عنها لسبب مثلا تكون زعلانة منه أو متضايقة منه أو مقهورة منه

ومن ناحية الاتصالات ماله داعي تكتر مليون اتصال في اليوم

يعني الرجال مايحب وقت عمله كل شوية مرته تدق او وقت مايكون مع أصحابه

أهم شيء الأسلوب

ولازم تتفهم زوجها اش يحب عشان تعمله واش يكره عشان تتجنبه عالأقل قدامها

عالعموم مشكووورة أختي عالموضوع

وأتمنى ما يكون أزعجك ردي شبه الطويل

أكرر شكري وتقديري