السلام عليكم

اليوم أنا جايب لكم حتة موضوع إنما إيه كامل الدسم

بسم الله

طبعاً لكل شيء بداية

وبداية الشيء غالباً ما تشكل منعطف خطير إما الى النجاح وإما إلى الفشل

إذن نقول النجاح غالباً ما يكون مقروناً بالبداية الموفقة

طيب موضوعي هذا اللي بتكلم عنه واللي اتمنى أجد منكم تفاعل منقطع النظير من جميع الأعضاء
مروراً بفطاحلة الرجال ( العيار – شمالي – عاشق سراب – مازن والجميع بدون استثناء )
ونهايةً بـ أرامل المنتدى :038: آسف أقصد مخضرمات النساء ( كل الحزن – المصرقعه – عشق الليل – حلا وغيرهن )

هو بداية الزواج أو خلينا نقول ليلة الدخله أو اليوم الأول طبعاً بعد زحمة الزفه والبواري اللي تقول كأننا في حراج سيارات وبعد ما تحبحب الحضور ويحبحبونك وتروح ريحة العطر والبخور وتصير غترتك صفراء ويدك تورم من كثر ما ترفعه للسلام والجيب يمتلي مظاريف مليناه فلوس ودراهم

راح تطلع وتاخذ مريوشة العين حبيبة القلب وطيران للفندق اللي حاجز فيه طبعاً تكون حاجز في فندق يدوخ مثل فندق المملكة فندق الفهد كراون فندق الفيصيليه بلاش الواحد يصير بخيل ويدور له فندق رخيص تراها ليلة العمر خل البنت تحس انك شاريها صح انه بيهز الميزانية بس الشكوى لله بعدين تحلل البنت وتاخذ المهر منها وتشغله في الاسهم

على العموم نرجع لموضوعنا بعد ماتوصلون بالسلامة للفندق وتدخلون مقر السكن راح تجلسون في الصالون طبعاً أنا كلامي من الصالون وجاي مالي دخل في غرفة النوم هذي خطوط حمراء محظورة ، أصلاً وشوله المشاكل

بعض الشباب أول مايدخل السكن عينه على غرفة النوم ول عليك صابر طول هالسنين وهالحين وررررررر غرفة النوم ياخي هد اللعب شوي خل البنت تتأقلم عليك

طيب في هذه المنطقه اللي هي الصالون كيف بيكون وضعك أقصد هل بتبقى لابسٍ هالبشت ومسوي زحمه وياله تلتفت والوضع رسمي وأنواع الإحراج وطقطقة الأصابع أم انه راح يكون لك وضع آخر

أنا بالنسبة على طول باأرمي هالبشت والثوب وأطق ذاك الشورت القوي طبعا ً يكون من نايك ولا ديداس خير إن شاءالله الأخ بيلعب كوره مابقى إلا كدايس وكسارات وتزحلق مثل المنتشري بس خل عنك الشورت يعطيك جو

ولا بطق لي ذاك الروب المسكت وبجيب الكمبيوتر معي وبندخل على النت وبسجلها في منتدى الأماكن بس هاااه ياويل اللي يرسل لها رسايل خاصه
واذا كتبت موضوع لا شوفك ترد عليها يالعيار :3yar: بس اللي يردون بنات

المقصد من كلامي هذا كله كيف راح يكون وضعك أيها الشاب من ناحية اللباس هل بتكون متحفظ بالكلام أو انك بتهل السبحه من البدايه هل راح تظهر لها طابع المرح من البدايه او بتقول لا ابثقل او أي شيء ممكن يفيدنا في الموضوع

انا اعرف واحد من الزملاء اول كلامه معها قال لها كم تدرسين
وإلا الثاني راح جاب لها ورقه وقلم وقال لها وريني خطك

ومن ناحية النساء ما هو الوضع اللذي تحبينه من ناحية لباسه - كلامه هل تبغينه يثقل ولا يكون مرح من البداية او أي شيء لم اتطرق له

واتمنى من اللي عنده تجارب يذكرها لنا

خلاص تعبت أول مره أكتب موضوع