صبآحكم بطولة وقوة


من شوي حسيت اني انجزت شي بحيآتي
عمري ما توقعت اني ممكن اسويه


/\


/\


الموقف ../

كنت في آمان الله جالسة على الكنبة بغرفتي وقدآمي اللآب توب واسولف مع عذوبه
فجأة صرخت اختي ... ضآآآآآطور ...
مدري وش يسمونه العالم برصي وع مدري المهم انه ابن الكلب
قلت لأختي كذآآبه قآلت والله وين نظآراتك ؟ أشرت عليها ولبستها
قآلت الا هو ضآطور قلت وريني والبسها واطالع الا اشوفه في زآوية سقف الغرفة كان
وبما اني سبق وإن صآر لي موقف ( بذكرة في آخر الرد ) معاهـ فـ نطيت من مكآني من الروعه

وقلت لأختي بسرررررررررعه نآدي امي طبعا الساعه كانت 1:30
وماما نـــايمه ،، قآلت لها اقول بس مصحيني عشآنه
ورآحت اختي لـِ الخدآمة قآلت لها تعالي قآلت انا راس تعبآن
فكرت تكلم اخوي الكبير لكن حست ان الموضوع ما يستاهل
رآحت لـِ " دحومي " لآ يغركم ترآه توه صغنون << بتتصفق منه
هو نفسه اللي قد كبيت عليه مويه بآآرده
بالوقت هذا انا قلت عذوبه لحظه بشيل الاشياء
عشآن اذا جت امي يكون الطريق مفتوح امامها وما توآجه اي مصآعب
المهم طلع دحومي ولقآني جالسه اشيل الاشياء قآلي وينه << متحمس الأخ
قلت : شوفه فوق تكفى دحومي شيل الآغرآض اللي تحته
طبعا كان تحته طآولة الكمبيوتر قآل : خير اشيلهم ! وطنشني : (

فجأة تحرك ابن الكلب شوي كان اتجاهه لـِ سريري قلت له دحومي
تكفى جب دبدوبي ومخدتي << هذا اهم شي
وانحشت عند بآب الغرفة
بالوقت هذا جت اختي متحمسه معاها عدة القتل والذبح
3 مكآنس بتوزعهم علينا كل وآحد وحده خخخخ ومعاها كآسين مويه
انا كنت عند باب الغرفة لآ شعوريا جلست آبكي من الخوف
ودحومي ميت ضحك علي جت اختي توقعت انه صآر شي ما درت انه من هول الموقف بكيت
لما هديت قلت : اول شي خلونا نحآرشه عشآن يتحرك من موقع اللي كان فوق السرير
وبوقتها بـ نقدر نكب عليه مويه عشآن يطيح بالأرض ويروح الشمع من رجوله وكذآ << تخطيط
وبالاخير تحرك وصآر فوق باب الغرفة طبعا اختي الذكية
قآلت خلونا نطلعه ونسكر البآب ! << بتوهقنا ننشب في الغرفة ما عاد نطلع
قلت لآآآآآ
سكرنا البآب عشآن ما يطلع واخذ دحومي مكنسه واختي مكنسه
وانا وآفقه فوق السرير مشآركة وجدانياً معاهم واعطيهم توجيآهاتي
طلع الأخ دحومي ما عنده سآلفة بس يضحك علينا انا واختي
لأن كنت انطط وكذآ من غير رأيي طبعاً
عصبت عليه قلت له : يا اما اذبحة او اطلع برآآآ وكنت بوقتها مره معصبــة

رآحت اختي كبت عليه كاس ولا طآح كبيت عليه الثآني وطآح بالارض
المشكله كان ورآء الباب كرتون ..
والموكيت كآن لونه بيج والكرتون طبعا بيج عاد حلوني كيف بنلآقيه ...

في هالوقت دحومي ميت ضحك ومآسك مكنسة على الفاضي
فجأة حسيت فيني حمآس لـ قتل ابن الكلب طبعا مو متأكدين
هل هو متخبي ورآء الكرتون او طلع برا الغرفة اخذت المكنسة
واختي معاها وحده الذكية تضرب الكرتون بطريقة كانها تهدهدهـ عشآن ينآم
يعني قمة النعومه وانا كنت قمة الغضب والتوتر وكل ابو شي بالدنيآآ

جيت قلت يا انا يا هو حسيت اني توهقت اللي عندي ما عندهم سالفة وابن الكلب متخبي في غرفتي
حسيت فيني قوة وطبعا طوال الوقت ادعي يارب اذبحة وكنت اقول " آعوذ بالكلمات التامات من شر ما خلق "

في هالوقت اختي قآلت هذا هوووووو !
كان الحمار يطل علينا شكله يخوف رجعنا كلنا من الخوف ورآآء وصرنا نطل شوي شوي
جيت قلت وينه قآلت شوفيه قلت وين ما كان فيه شي قآلت هذا هو جنب الكرتون
واطالع الا ما فيه شي طبعا كنت لآبسة نظآرتي قلتلها خوذي شوفي هل هو ابن الكلب
او يخيل لك يوم شآفت قآلت أأووووهـ << بكل دلع هذا القرطآسه حسيت ودي اصفقها

طبعا دحومي منسدح ضحك علينآ
( بعد ما انتهى الموقف كان يقولي شكلك يموت ضحك لأني كنت انطط وكذا من غير ما احس )
فجأة ابن الكلللللللب الحقير طلع راااسه من ورآء الكرتون شفته يعني بعيوني << آجل بأذنك
قآلت اختي وينه قلت شوفيه فوق الكرتون اذبحية بسرعه قآلت ما اشوفه
قلت خوذي النظآرة <<< بالقطه بينهم رآآآيحين فيها ما نشوف
رجعت لبست النظآرة واستعديت لذبحة صرت احرك الكرتون بالمكنسة
لأنه رآح ورآه واخبط بالمكنسة بقوه على الكرتون
يعني ارجعها على الجدار عشآن لو كان ورآه يموت
شوي الا احرك الكرتون لين قدرت اطلعه من الزوآية
اللي منحجر فيها ابن الكلب كان في زآوية الدولآب واحلى شي ان الدولآب
ناااشب في الجدار مره يعني ما فيه امل يدخل بينهم

هذا الموقف اللي حسيت اني انسانة بطولية فيه
كان فيه كيسة وخبطت الكيس الا اشوف ذيلة
آنهبلت عرفت اني وصلته اذا انقطع ذيلة ما يقدر يتحرك زين
من غير ما احس قمت اشيل المكنسة بكل قوتي واخبط بها بالارض
وبيني وبينه الكيس يوم ايقنت اني ذبحتة <<< اهم شي الايقآن
صرت اخبط بالمكنسة عليه بقووووة واختي ودحومي يشجعوني
كانت تقولي : ايه يا شيزون طلعي كل عقدك وكل خوفك منه الحين اذبحية آذبحية

طبعا هو مو بس مآآت هو تقطع تقطيع هذا كان شكله بعد الوفآة
هذي في موقع الحدث


مصورته من بعيد كنت خاايفه ومره
مقربة الزوم طالعه مو وآضحه مره
المهم انه هو اللي محدد بالاحمر

وهذا بعد ما شآله اخوي



ما كان ودي احط صورته عشآن ما اخرب موضوعي لكن
الموقف البطولي اللي سويته يحتم على ذلك

وهذي كانت اداة القتــل ../

على فكرة ترى المنكسة وربي كانت جديدة
بس من التخبيط شوفي كيف صآآرت .....



سبب العقدهـ من ابن الكلب ../
زمآن لما كنت بالابتدائي كنا طآلعين لـِ مزرعة وطبعا المزآرع كثير فيها الضوآطير مدري الحقير
المهم كنا انا واختي وبنت خآلتي بـ المجلس وجالسه على الكنب انا : (
طلعوا هم بيجيبون خرآبيط وانا على اساس بنتظرهم طبعا المجلس كان مره كبير
فجأة حسيت شي يحكني في رقبتي حكيت بيدي الا حسيت شي مشى بسرعه
وعلى لفتي برآسي الا اشوف شي بيج في نهاية جديلتي كان شعري طويل
ووضربتها بيدي بقووووه وشفته طآآر وطآح بمكآن كذا المهم بوقتها انا
من غير ما احس وقفت على الكنبة ولا شعوريآ صرت انطط على الكنب ..
لين جو اختي وبنت خالتي وهدوني ...
من بعدها كل ما شفته غصب اطمن راسي واحط يدي على رقبتي وغصب تنزل دموعي : (


على فكرهـ ترآه كان مره صغيييييييير
بس مع ذلك ما يمنع اني اكون سويت موقف بطولي
واللي كان قآهرني من وين دخل ودآم هذا صغير وين امه
اخاف تكون بالغرفة وانا مدري وش القصة

يآآآآآآآآآآآآرب يمّحيون من وجه الأرض
ويآآرب ما عاد تطلع لي ولا اشوفها آبـــد