;،
وصبآحكِ أجمل يالغاليه

سبحان الله طبيعتنا الصحراويه وعيشتنا في هالصحاري القاحله اثرت بشكل كبييير على رجالنا وشبابنا ..
وحتى اكتسبوا عادات ومبادئ عجيبه ماانزل الله بها من سلطان ..

أثرت بشكل كبير جداً .. وزيآدة عليها الحين في مجتمعنا قليل من الأمهات
من تضم ابنها أو تبوسه يمكن مجرد ما يدخل المراهقه يتوقف هذا الشئ ..
واللي يأثر على الرجل وعلى تعامله اللي البعض ما يعرف كيف يعامل زوجته
ويحس انها مثل واحد من أخوياه ..

وكمان من الاسباب الي تؤدي الى خشونة الرجل او جفاسته
مو متعود على اللحظات الحميمة بين أمه وأبوه وحتى لو مثلاً جت مشاهد
بِ التي في بعيداً عن حكمها الشرعي ..
مثلاً زوج يبوس زوجته او العكس أول ما يتبادر لِ ذهن الولد
أن هالشي عيب لأنه مو متعود يشوفه بين أهله طبعا القصد هنا
اللمسات البرئية بين الزوجين واللي ما تأثر على الطفل !

مثلاً عندك اللبنانين لسانهم حلو وأبسط مثال تدخلين للمحل بس يقولك يا عيني ويا قلبي واحنا من الزوج يالله عساهم يسمعونها حريمهم
طبعاً انا انقهر من اللي كذا بس هذا بحكم طبيعتهم والدليل انها للجميع يقولها حتى لو أخوي طلب منه شغله أو كذا

وحتى بأبسط الأمور وهو اسمها بِ جوآله تلاقينه ام فلان او البيت !!!!

اسلوب تحقير !

انا هذا الشي اللي فعلاً أستغرب منه كثير وش سبب تحقير الرجل لِ زوجته !
هل هو شي نفسي أو شي متعود عليه من قِبل الأهل سابقاً
وكثييير للأسف موجودين الآن اسلوب التحقير والتدمير للزوجة !
بأي وسيلة سواء بِ ذكر عيبوها او حتى أمور يضعها الزوج فيها
ويبدأ يذمها لحد ما تثبت ببالها انها فعلا فيها هالشيء !
وهذي أولها عدم ثقة الزوجة بنفسها لأن مثل ما تشوفين نفسكِ الزوج يشوفك
أعرف وحده ما شاء الله لما يصير بينها وبين زوجها مشكله ويترآضون يعني
يقولها انا ادور فيكِ حاجة عشان اقهركِ فيها ما الاقي من كثر ما انتي واثقه من نفسكِ
وهي تحكي لي تقولي انا اشوف عيوبي لكني ما أذكرها له حتى ما يقهرني فيها ..



صديقة لي تحكي لي عن كيف ان زوجها يبحث دائم عن أي شيء ينتقدها فيه
متناسي الصفات الحلوه فيها واللي مستحيل يجيب طاريها لها ممكن يكون الغلط منهم اثنينهم
لأن التعامل الزوجين هو شيء مشترك بينهم

الأنثـى بِ طبيعتها تستلذ بِ الكلام الحلو أكثر من أي شي آخر
والكثير من الزوجات تتأثر نفسيتها ل تجاهل حاجتها من الحنان والعاطفه
واللي تهمها أكثر من الأمور الماديه
ومثل ما قلتي بِ الموقف اللي كبيره بِ السن خلاص تعودت ويأست من انه يطلع منه حاجة حلوه

بالأخير صحيح كل هالأمور تؤثر على الرجل بِ شكل كبير وعلى معاملته لِ الزوجه
لكن بِ مقدرة الزوجة أن تكسب زوجها وتجبره على معاملتها بِ الطريقة اللي هي تُفضلها
والدليل : " إِنَّ كَيْدَكُنَّ عَظِيمٌ "
لكن الأغلبيه من النساء من تستسلم لِ الأمور السلبية واللي تتركها تأثر وتأخذ
حيز كبير من تفكيرها لِ درجة تحس انها ما عاد تقدر تغير في زوجها اي شي
وترضى فيه رغم كل عيوبه ..

،

عُذراً للإطالة لكن الموضوع يطول النقاش فيه
<< أكيد دامه من مصلحتكم :D

عذووبة .. رغم اختلاف وجهات النظر بينا مرات
إلا انك من الاعضاء اللي تشدني مواضيعهم النقاشية
وتجبرني على الحضور والرد لما تمتلكينه من عقلية ناضجة وواعية

عودة أسعدتني جداً والله
وأتمنى إن تستمري : )
تستاهلي التقييم يالغاليه
مودَّتِي ، /