حبيبي كيف تنساني حبيبي والله اكبيره=تحاول دوم تتناسى ولكن كيف تنساني!
نسيت الليل وش يعني وعينك تشتكي الحيره=وانابلسم على جروحك وهمك حيل اضناني
انا اللي شلتك بصدري وغار القلب من غيره=انا اللي سلمك عمره ياكيف اليوم تشناني
انا اللي بعت لعيونك جميع الاهل والديره=وحيد ارثي على الماضي حزين وآآه وحداني
ولا جاوب صدى الآهات ولا اعطى معاذيره=لعنت الحب واهل الحب لابو من هو الجاني
كتمت الآه واثر الآه تولع بالخفا كيره=وانا ماني ترى الاول ولاني آخر الثاني
ابحظن خوف وسط الجوف واسوي حولها صيره=وابدفن قلب ضاع بدرب غرامه حيل اشقاني
غرامه كاس كالوسواس وتدميره بتدبيره=خلاص القاسي الناسي وهو يسعى لحرماني
تعبت!اليوم ياقلبي !وامانه فضها سيره=مدام الحب هو جاني وهو اسباب احزاني
ابنسى مثل ماينسى وابدفن حبنا ابيره=وتبقى بيننا الذكرى بليله حلمها داني
وهذي قصة العاشق شمالي جاب تقريره=لابو عشق الزمان اللي يوردنا على الفاني