(غيور الطبع والسبع المثايل=حدتني شرق لين جبال حايل
اجاملها اعييها ولاقدر=بدمي جاريه وسط النحايل
والامني رفعت الراس فيها=نهض كل البشر قالو مثايل
كثير الناس يعشقها عشاقه=ووقت الخوف تضهر فالهوايل
جميله فاتنه يا وي فتنه=سحر هاروت منها هو نهايل
اعظم شانها لو هي صغيره=واعدل ميلها لو كان مايل
واعلمها وهي تبقى بجهلها=دعوها قالها صافي الحمايل؟)
وانا روحي فدا للي اسرني=ابوخدن ورمشن دوم سايل
اذا ناضت كما مهره اصيله=تضيع امهارها مابه اصايل
لها شعرن سواد الليل لونه=يغطيني اذا مالبرد هايل
حنان الروح في لحظة وجوده=وفكري والوعي ادبر وفايل
ابتغزل مدام القلب اخضر=وخل اللي قصيده كالمصايل
يرقعها ولكن ماترقع=طويل شقاق مالك بالطوايل
وانا قافي الا مني نظمته=نهض كل العرب قالو جزايل
ولاني زايدن عالبيت هذا=ولاني مادحن نفسي جمايل
ولكن بنصح اللي يسمعوني=ترى خلق الرجل زين الخصايل
تواضع مع جميع الناس تسعد=تفوز بحبهم والشر زايل
تعاتبني واعاتب من تعاتب=ولا جاب العتاب الا الرزايل
سوالف بيننا تبقى بمحبه=وانا شايل وبكره انت شايل

الموضوع الأصلي: الحمايل~ || الكاتب: أبو أسيل || المصدر: منتديات الأماكن

المصدر: منتديات الأماكن