طار طيري في سماها ياطليبه واعتلا=وجاك تعجيزه معجز ياطليبه ادركه
مكسبك مكسب دواني محدّرينك فالخلا=تضطوي نارك بدوله بس ناري مملكه
جاض شيطاني وجالك ماعطاك امن السلا=جاض شيطاني معاه ( اربع رواسي مشبكه )
لالعبنا بالوسيعه شفت مندوب الغلا=ولانسفنا بالشباري جات فيك مدَبّكه
ادرك المعنى وخلك من سواليف الحلا=ساحة الميدان حانت هات ماهو تحبكه
تبشر ابقسم الخساره دام قافك انقلا=مانطري بالنقيصه بس شعري متكتكه
مهجة اشعاري سميكه بالمواقف تصطلا=لاتصلط في نباها تاتواجه معركه
سيفها سيف المغازي لاتخزك بالكلا=واحفظ اركان القصيده واي بيتن شبكه
شبكه حتى تشوف ابحالك انه انجلا=غربه ثم شرقه..وبي وجه نفكفكه
دقت اطبول التحدي والاماكن تنقلا=خلف شاشه عزتي لك صرت فيها مضحكه
ولاتجرا ثم اتشوف انك عليها مبتلا=ثم تبرا ثم تعرا مير علمي امسكه
لاعوا ذيب الجزاله واستجبناله هلا=يلقى قدّمه السمينه والمعاني تبركه
ولاعوا ذيب المهونه بالمهونه يبتلا=نعمي اعيانه وشوكه في طريقه يسلكه
معذره ثم معذره قلتها لجل الغلا=لاتعدون القطامي بالاذيه يشركه
حامت اطيور التحدي والتحدي انغلا=والمجاكر حان وقته فالملاقى نعلكه