الثبات اللي نسميه الثبات= راح رحله يم دجله والفرات
قربو اهل الردى لاهل الردى=وقربو اهل الوشاة من الوشاة
كان شعرك هو تحدي يافتى=امسك ارضك لا غشتك العاديات
وكان شعرك بالعدد تبغى رقم=احسب احسب والصحايف طاويات
وش يسوي سيف والماسك رخو=والسيوف محدبه جت مصقلات
راكبن فوق الفرس واثره كدش=والكدش ضيع دروبك بالفلات
تذكر اللي ماعرف مشيه قديم=ماقدر يرجع بمشيه والسوات
الغراب ابن الغراب ابن الغراب=خلها مثل الحلق هذي الوصات
والله ان المدح فالخدري يزين=كم ضعيف ن راح عند المترفات
الخفيف اللي يميل من الهوى=طاح لامنه نظر هالناعسات
سار يمشي قفوهن مايلتفت=بالعصا يمشي وراحة ذالحياة
والالم لاصار احساس بنقص=في بني آدم يدور له نواة
لاضحكت اضحك وضحكي له سبب=دام شعرك والبيوت مكسرات
من حرث قالو ترى ثوره ثمين=ومن زرع له زرع عشم بالغناة
الجهل فيكم مخيم من ازل=ضاع اسلوب الادب ياذا الطهاة
نفسي اعرف كيف وش دخل غنم=في حراج احنا ولا معهن رعاة
والوهم وشلون في راسك رسم=ضعت في وهمك ولالك من نجات
لعنة الله عالفتن وابو الفتن=من يصحيها وتصحى من بيات
الصدق واقع ولسانه شطير=والكذب حبله كما خيط ن فتات
الوزن يابني ترى شعبن كبير=لاتطبه وانت رجلينك حفات
الوزن ميزان وافهم يافهيم=والقوافي تحكم بيوتن رخات
الحويشي مايناطح للزمل= خايفٍ عقب الهدير من الرغات
لو ذرفت الدمع وبحايل انوح=من بلادي وفخرها فوق السرات
والبلا لاصار دونن في بدون=لارسن واضح وهايم في خلات
ودام عادت دندنه في دندنه=دندنه في دندنه في دندنات
بانفرد ياذا الفتى في بث فكري=والمصادر غامضه والذبذبات
وماذبحني غير راع الليل دانه=ومثله اللي مهملن فرض الصلاة

الموضوع الأصلي: الوزن ميزان وافهم يافهيم || الكاتب: أبو أسيل || المصدر: منتديات الأماكن

المصدر: منتديات الأماكن