هههههههههههههههههههههههه يالله إنك تحيي صديق روني


الله يوسع صدرك بالعافيه .. ويديم عليك التنسيم خخخخخخخخخ <<وين تيوبلس


بعدين احترم نفسك .. وش اللي تسميني موذي !! <<يسمع بموضي الطقاقه


وانت الحين قاعد تتريق على جبهتي والمطبات اللي فيها .. على الأقل أنا أعترفت لكن البلا في اللي جاحد التضاريس اللي فيه

تنكر إن علباك <<الرقبه من الخلف>> مليانه .. تسوايا <<جمع كويه>> وختوم ماركتنا المسجله Made in KSA صنع في السعوديه خخخخخخخ

إذا بغيتوا تعرفون الواحد سعودي صدز وإلا لا .. ناظروا في علباه وشوفوا علامة الجوده


وشكلك انت يا أما إنك ما قريت الموضوع زين وتمقلت فيه .. وإلا إنك كالعاده من جنبها وما ركزت

أنا قايلن إني أكمخ في الجدران .. موب من زود الحوله .. لأني أدعس طبلوني كله وأنا ملتفت وراي .. لأجل تسذا ما يمديني أولع النور العالي وأناظر قدامي إلا مشمّع في باب وإلا في عاير .. هذا إذا ما دخلت دمجتي في بطن آدمي ناطحني


وانت الحين جاي تلوم ذا البزر الأبرص عشانه شال شوكه وجاب العيد وهو يركض بها

يعني نسيت نفسك .. أيام ما كنت تفرك بقوارير البرندا <<الميرندا>> وتلعب بالكباريت مسوي فيها نوير انت وذا الشروخ اللي ماليتن مخابيك


وبعدين أمه ذي .. جلمه <<ابن أمه يترجمها>> وش ترجي منها .. يا دافع البلا تسنها بقره بس موب ضاحكه خخخخخخخخخ


الله يرجك .. خليتني أبطي وأنا أهذري <<طيب ضف وش تنتظر؟


لا هنت على الطله يا ذيبان .. دايم تعال الله لا يهينك


دمت بود وألف خير