ابي اسألك ليه بهوايـا تماديـت=إهوا دلـع اوهـي قلايـل ربايـا
معقوله يعني في عيونك تساويت=مع الغريب اللي عديـم السجايـا
والله كبيره في حقوقـي تعاليـت=هذا الجزاء تطعن بيدينك حشايـا
نسيت رجل ٍ في يدينـه تربّيـت=رجل ٍ يعلّمـك العـدل والخطايـا
وفّيت لك في كل الاحوال وفّيـت=غمّضت عيني عن خطاك برضايا
ابي اعدلك لكـن علـيّ ترديـت=الطيـب مابيّـن بنسـل الردايـا
مثل الهوى شفتك وبعدين ولّيـت=حتى سرابك ماعكستـه المرايـا
مابي اشوفك بعد مانا تصاحيـت=حتـى طيوفـك لاتعانـق سمايـا
ابي ابتعد واهجر شوارعك والبيت=قلّـة ادبكـم عجّلـت بالنهـايـا
رح في طريق ٍ في دروبه تهاويت=تحت الثرى شيّع نهايـة عنايـا
اقسم قسم" ان شفتك بيوم حنيـت=لاادوس قلبك بالقدم مـن قسايـا