مبسسوطه ي لبى انتي

من جد كلامك كله عسسسل وربي


يابنات اعقلوا ولا تصيرون خفيفات !!
استغرب بصراحه من اللي يجون يردون عالشباب بدلاعه وميااعه

شمالي ياحبني له .. ياافديت روحك يالمنشستراوي
يالبى قلب العطشاان !!

خيير وين قاعدين فيه ؟!! في مقهى كوستاا ؟!!

عيب هالكلام والله ..
الحين انا اللي مالي دخل في السالفه انحرج .. صدقوني شي يفشّل

اثقلوا شوي .. وبعدين ترى الشباب يحبون اللي ماتعطي وجه !


ي لبى الكلام والله تسسلم روحك ي حبيبه



كرستاله..
انتي دااااااااائما كذا..
مشكوره يالغاليه على اهتمامك ومتابعتك سعيده جدا..
وهلا فيك بأي وقت شرفتينا..

يسعد مسااكم جميعا ً

وحي الله جارتي لجين .. يعطيك العافيه على استضافتي
و ان شاءالله اكون قد المقام !

بسم الله نبدأ



س 1 / عبري عن " ذاتكِ " بـ خمس كلماتٍ فقط ..؟!

الحين جايبتني عشان اقول خمس كلمات بس ؟!





وهلا فيك ويسعد مساك وحيا الله جارتي..حبيت اللقب..
خذي راحتك يالغاليه انا قلت خمس كلمات لجل اختصر عليكم
ادري ان بنات المنتدى كسولات لجل هالشي قلت حرام
اختصر عليهم..


لا صراحه انا ابي اسولف براحتي .. خلوني اكلّمكم عن نفسي شوي

انا نفسي عزيزه علي .. جريئه بحدود .. هاديه .. وللأسف انفعاليه
آآه مني إذا انفعلت بجد اكره نفسي .. ممكن اجرح ناس احبهم .. وازعلهم مني
وبعدين اقول لتني مسكت اعصابي وماتسرعت!

بس تراني طيبه .. واحب اصفي قلبي اول بأول
يعني اللي مزعلني اجي اقوله تراك مزعلني في كذا وكذا وكذا .. يلا اعتذر اشوف


سولفي يالغاليه وانا قلت اللي تبي تقول شي ثاني تقوله او تبي تعلق
هالصفحة لكم قولوا فيها اللي تبونه..
اوبس حسيتك صريحه جدا وهالشي فيني وفي وايد ناس يكرهوني
ومايحبون يستشيروني او يطلبون مني شي يقولون اجرح..
صدقيني على ما هالصفة حلوه بس انها تأذي ناس وايد واحيانا
تدفعين ثمن صراحتك اهيا حلوه بأوقات وافضل من النفاق
كوني صريحه بدون تجريح..
وحلوه يعني تجبرين الناس يعتذورن منكم لا والله ابد غريب امرك
اذا احد غلط عليك وزعلك دخلي من اذن وطلعي من الثانيه
مثلي انا وانسي صدقيني راح ترتاحين..
بصراحه بس حبيت هالشي تخيلت موقف معين ربي يسعدك بس..:d



احب اضحك .. مااتحمّل انزل موضوع بدون ما اطلع فيه عن النص
حتى يوم اني حطيت موضوع المسابقه .. هزئوني على هالمقطع
.. يقولون ليش تهاوشين المشاركين !!


لو انك ماقلتي كان قلت لك بس عادي عديتها
انا عتبانه على البريئه بجد من اول مادشيت المنتدى وانا الاحظ
عليها اشياء مادري شلون بس اسكت ولااحب اسئلها عن شي..
انتي بس كتبتي غيرك عمل شي ثاني..
وضحكي قد ماتقدرين لجل ترد روحك..


طيب شسوي .. انا مو قصدي اهزء احد بالعكس والله انتم حبايبي بحسبة عيالي
بس مااتحمل كل شي يكون رسمي .. قدروا وضعي شوي !

امم عيالك حلوه حبيتها..
كان عندي تعليق على كلامك هذا بس افضل احتفظ
فيه لروحي..وانا عن نفسي افضل العلاقات من بعيد لبعيد
لاني انصدمت بشكل ماتتصورينه من اعضاء وايد وهالشي اللي غيرني
وخلاني حذره كوني انت كذلك افضل لك..

اتأثر بدموع الرجال كثير .. واحب الأطفال
احس غريزة الأمومه بداخلي دسمه
حتى اني دايم احلم ان يكون عندي بيبي !


حسيتك قويه بالبدايه..بس ليش شمعنى الرجاال..!!
او لانهم مايتأثرون بشي..!!
وحبه حبه ماراح تفتحين عينك عدل الا وصرتي ببيت زوجك
وطفلك بدينك لاتستعجلين وخليك في اللي انتي فيه الحين..

انا بصراحه وحده صياحه .. دموعي جاهزه في اي وقت عاللي يسوى واللي مايسوى
على قد مااحاول اكتمها وماابينها للناس .. على قد ما انكشف !


اوبس اوبس..
يالا الهول بجد ليش صياحه امرك غريب..
مادري شلون تقدورن دمعتي غاليه ومااحب احد يشوفها..
هالشي يعكس رقة قلب صاحبها وشي رائع بس مو دايم
اما اللي يبين قوته وانه مايبكي احيانا احسه قاسي
وقلبه شديد..




س 2 / .. أيهما الأقرب لطبيعتكِ " الهدوء / الصمتْ / القوَه / غير ذلك " .. ؟!

الهدوء .. القوة

إن كان جوابكِ غير ذلك يُرجى كتابته ...

لا موجوده الإجابه كتبتها قبل شوي!


س 3 / .. هل أنتِ واثقة من ذوقكِ ..؟!

يالبى ذوقي !
صحيح انه صعب ومايعجبني اي شي
بس تراني في الديكور اعجبكم !


س 4/ .. ما رأيكِ بهذه العبارات ..


(أ ) .. حلاة البنت شعرها .. ؟!: )

صح الى حد ما

يعني هو اكيد لازم كل بنت تهتم بشعرها وتمشطه .. لانه سر جمالها
رح يبرز انوثتها خصوصا ً إذا كان سايح ومستشور وشوي خصلات نازله على عيونها
بس البنت إذا كانت اخلاقها كريهه ونفسها خايسه مين رح يلتفت لهالشعر المتعوب عليه ؟!!

بس مو يعني تجي وحده ناكشه شعرها من خمسين سنه ماتمشط وتقول والله حلاة البنت بأخلاقها !!


( ب ) .. كُل فتاةِ بأبيها مُعجبه .. ؟!

لا مو شرط

( ج ) .. نصف الرجل مرأه .. ؟!

هذا خالصين منه!


كل اجاباتك وتعرفت عليك من خلالها اكثر وحبيت جوابك
تمام بس ليش قلتي بهذي خالصين منها..لماذا..؟
ابي اعرف ممكن..


س 5 / .. أعطي نفسكِ " نسبه من 100 " لكلِ منْ ..

النعومه / الذوق / الفضول /الخجل / الهدوء / الرومانسيه/ العاطفه / ..؟!

مادري والله كم بالضبط
بس انا لي من كل بستان قطره !

خجوله كثير وفيني نعومه يعني وهاديه .. الفضول مو مره !
بس رومنسيه وذوقي تمام !



على كل اللي قلتيه وطلعتي رومنسيه حركات يابنت..
جميل اللي يمتلك هالشي اما انا بيني وبين الرومنسيه مثل
مابيني وبين مدرستنا..:d
مااتوقع ان طبعك هادئ :d مادري..


س 6 / .. خمس عبارات توجهينها لـِ " إنـاث"المنتدى .

منهنّ وماتلكَ العبارات .. ؟!


عيون طفله : ورى ماتردين على رسالتي يوم جيتك وجبت دلة قهوتي معي
هذا وانا جارتك !!

الفراشة الخضراء : صغري خطك شوي .. احس انه كبير واجد
كم الحجم اللي تختارينه ؟ 7 ؟!
خليه 4 يكفيك !

منتهى الحب : يحليها هالبنت .. على كثر مااحذف مواضيعها وانقل قصايدها واهاوشها عالمنقول
جات تقول ياحبني لك يامبسوطه .. ياطيبة قلبها ماتحقد!

اماني : وش يعني يـ ألق ؟! .. مدري ليه كلما اشوفها احسبها يـ قلق !

شيطونه : ياذي السراحه اللي عليك .. وش فيك مو معترفه بحرف الصاد ؟!



كأنك ماصدقتي اني ساأت هالسؤال..
علامك عالبنات..الا اقول ماعليك طلعي طلعي بس..^ـ^..
قولي اللي بخاطرك وانشالله يقرون اللي كتبتيه لهم
اما شيطونه والله صدقتي احيانا اخاف منها
ومافهمت وصفك لاماني..
ومنتهى الحب ..يمكن تعتب ماتحقد مثلي انا
ووبس..


س 7 / .. بكلمتان صفي الوضع العام لـ " إناث المنتدى " ؟!

مافهمت .. شلون يعني اوصفهم ؟!

طيب عادي اوجه لهم كلام .. يعني هي نصيحه من القلب الى القلب دام اننا هنا لحالنا بدون شباب

ابقولهم ..

يابنات اعقلوا ولا تصيرون خفيفات !!
استغرب بصراحه من اللي يجون يردون عالشباب بدلاعه وميااعه

شمالي ياحبني له .. ياافديت روحك يالمنشستراوي
يالبى قلب العطشاان !!

خيير وين قاعدين فيه ؟!! في مقهى كوستاا ؟!!

عيب هالكلام والله ..
الحين انا اللي مالي دخل في السالفه انحرج .. صدقوني شي يفشّل

اثقلوا شوي .. وبعدين ترى الشباب يحبون اللي ماتعطي وجه !



نصيحه بمحلها..عاد انا اكره البنات اللي من هالنوعيه بجد
مااااااااااااااااحترمهم ابد ابد ليش من حضرته ومن حضرتها
لجل اقول لهم هالشي عمري بحياتي كلها ماقلت
هالمفردات لاحد لا بالمنتديات ولابحياتي اليوميه بجد
بعض الكلمات تقرفني وع مادري شلون يقولونها للاسف..
انا حتى القهقهات هذي مااذكر اني قلتها بالمنتدى لامع شاب
ولابنيه..
احيانا يجي بخاطري اهاوشهم بس اسكت..
براحتهم اهم شي اني محترمه روحي وبس..
اشكرك من كل قلبي على كلامك اللي قلتيه
ممتنه بجد..ولاعاد تنصحين دام مافي احد
يبي النصيحه..


س 8/ .. لونكِ المٌفضل .. ؟!

الرمادي


س 9/ أيهما تفضلين عطرآ برائحة " الورد / الفواكه / البخور و العود " ؟!

الورد


س 10/ هل تُجيدين الطبخْ .. ؟!

افا عليك !

س 11 / .. جميعنا معشر الإناث تحدث لنا " مواقف مُضحكه"..

في بداية إلتزامنا بـ غطاء الوجه ..


لهنا تمام بس صبري علي شنو هذا
اللي قريته الحين..!!




أنتِ ماموقفكِ حينها ..؟!


بداية لبسي للغطا مااذكر والله ..

بس اذكر اني كنت خبله شوي في بداية لبسي للعبايه
كنت تقريبا ً بصف رابع .. البس عباية والشيله اربطها على رقبتي مثل الكرفته !

كان عندي هوايه ذيك الفتره
إذا طلعنا بالسياره .. سيارتنا كروز .. كنت ارجع لآخر مقعد .. مو الدّبه لا السيت اللي قبله
عشان احس بالاستقلاليه واخذ راحتي !

وبعد مااتأكد ان محد من اهلي شايفني اروح البس شيلتي واتلثم .. وإذا مرينا من عند شباب
ولا وقفنا عند الاشاره .. يلا .. استلم اللي واقف جنبنا واقوم اسوي حركات غبية بعيوني
اغمّضها وافتّح واغمّز وانحول واحرك حواجبي بطريقه هبله !!

واستااانس اذا شفته يضحك علي ولا يقول لصديقه طالع طالع
واقوم ازيد خبال << ماتنعطى وجه !

بجد كنت وحده افشّل ..
حتى اذكر الحركه الختاميه اللي كنت اسويها اني اميل راسي فجأه على جنب وانحول
يعني كأنهم قطعوا راسي ومت < حاله نفسيه !

بس الحمدلله الحين عقلت .. بس ترى كل هالحركات كانت على براءه والله
بس ابي اشوف ابتسامتهم حتى لو هنود او بنقاليه
احب اشوف ردات فعلهم !



لا بالله انتي مو صاحيه خبلتي..مجنونه شلون كنتي تعملين هالشي
اوبس اوبس مو مصدقه يامبسوطتنا..
لكن بجد انك مو هينه جرييييييييييئه..
يارب ان ماكو احد اكشفك ومافي احد هزأك لازم التهزء هذا..
اهم شي انك عقلتي ولاماعدتيها صح..
بجد مت ضحك عليك اختي يمي وتقرا كلامك وتراها تعرفكم
كلكم اقلها كل شي عنكم.. ربي يسعدك بس..

س 12/ أكملي الفراغات : )

( أ) أنا " غير " أحب " الخير " وَ أكره " القطاوه !


شنو القطاوه شنو تقصدين فيها..


(ب) لو كان الأمر بيدي " ارجع 3 سنوات ورى وادخل لغة عربية من بدري !

تخيلو درست 3 سنوات بالانجليزي ويوم طلبت تحويل رجعوني لتحضيري !!!
عز الله تخللنا بهالكلية
يلا عساها خيره



والله حرام دام انتي ماكنتي قده ليش ضيعتي
الدراسه مادري تأسستي فيه صح او لا..
بجد حرام كان لازم تدرسين الموضوع قبل لاتتسرعين..


(ج ) قالوا " تبالغ " وَ قلتْ " لا صدقيني "


(د) يحدثٌ أحيانآ .. " كسوف واحيانا ً خسوف "


شكل كان في شي بخاطرك او يجول بتفكيرك وهالكلاك الي
كتبتيه اعتقد انتي بس تفهمينه..


( هـ ) لا شيء يستحق الـ .. بصراحه مالقيت شي احطه هنا
لان كل شي لازم انه يستحق شي معين في موقف معين !


( و) أكتفيتُ منَ .. القصائد المنقوله اللي تحطونها بقسمي !


ربي يسعدك بس..قلت لك الاعضاء اللي هنا كسولين بعدين ليش يألفون
من عندهم وقوقل ماقصر نضيف موضوع حنا كتبناه صبري يوم
الا واهوا منتشر بقوقل من قبل اعضاء اخرين واللي يموت قهر يكتبون
تحت بقلمي..!!
اقول سكتي بس زين انهم يفكرون يمشون لك القسم وانتي
تقولين لاتنقلون..:d



س 13/ كوني شُجاعه وقدّمي إعتذار علني فلمن تعتذرين ؟!

خليها بعدين شوي

س 14/ بطاقتكِ الشخصيه ؟!

اسمي :
على اسم جدتي

عمري :
مابقى فيني عمر
شيبتوني

المنطقه :
الشرقية

وادرس بجامعة الدمام
قسم لغة عربيّة


اوك تمام وعرفت عنك اشياء بعد..



س 15/ كلمه أخيرهـ تودين قولها لنا ؟!

كلمة اخيره

اعتذر لجميع اللي يزعلون من اسلوبي

صدقوني بعض كلماتي تجي مزح
بس مشكلتي مااحب احط ضحكه أو فيسات .. عشان كذا يمكن بعضكم يحسبها جد ويزعل
وانا كل قصدي اننا اخوان في بيت واحد امون عليكم وتمونون علي !

تعليقي على كلامك هذا رديت عليه فوق..
براحتك اعتبرينا مثل ماتبين وصدقيني ارتحت وايد بحواري معك بالموضوع
وحسيت اني اسولف معك كأنك تكلميني وانا اكلمك تقولين شي وانا
ارد عليه بشي..
جدا سعيده بحواري معك والحين عرفت مبسوطه عدل
وماصرتي غامضه وتكلمت معك كأخت والله شاهد..


ماودي تاخذون بخاطركم مني .. تراني اعزّكم
واللي زعلان مني وحاقد علي .. يجيني اراضيه !

وبالتوفيق للجميع


ولجين يعطيك العافيه على استضافتك .. وفكرتك الحلوه
ورغم انشغالي وضغوطي هالأيام إلا ان طرحك كان بالنسبه لي
مساحة راحه وفضفضه !

شكرا ً لك

يسعد مساكم

كرستاله .. يابعد حيي انتي
بتشقق !!


حلوه بتشقق هذي حبيتها..^ـ^..


الله يسلمك لجين وبعقب على كلامك!



الصراحه مو شرط تكون ملازمه لأسلوب التجريح والتهزيء
مشكلة بعضنا انه يربط الصراحه بالتجريح والتهزيء والصراخ والمهاوش
على باله انها نوع من الصراحه و قوة الشخصيه
وهذا غلط طبعا ً
فيه شي اسمه اسلوب حلو .. اسلوب لطيف .. اسلوب مايخرج من نطاق الأدب
بحيث اني اوصّل الفكره اللي ابيها للشخص اللي قدامي
وفي نفس الوقت ما أأذي مشاعره !

كلامك صحيح وادري بها الشي بس للاسف
الصراحه عندهم صايره تهزي فقط الصراحه تعني القوه عندهم
لازم ترفعين صوتك مادري فاهمين الصراحه غلط غلط..
اااااه ياقلبي بس..
واتمنى ان احد يتبع الاسلوب الحلو اللي قلتيه..


ماهو اجبار بقدر ماهو تصفية قلب
ابي أوصّل له ان هالتصرف ضايقني منه .. عشان يشرحلي موقفه
يمكن هو ماكان قصده يضايقني .. يمكن انا فاهته غلط !!


ماقدر اقول لاحد اعتذر لي مادري ليش ماقدر
وبعض الناس القراب بجد يوجعوني بس اسكت
واعديها واقول يمكن ويمكن واعمل له مليون
عذر حتى لو ماكان معذور..احاول اصفي قلبي بنفسي
ماامسك كل احد واقله ليش قلت وليش عملت هالشي..

بالعكس .. إذا طنشت وعلى قولتك اسمع من هنا واطلع من هنا
بيتراكم في قلبي وممكن اني احقد على اشخاص كثيرين
وهالشي بيتعبني انا أولا ً وأخيرا ً !!


وانا قلت احاول مايتراكم اعمل عذر للكل
حتى لو ماكان فيه عذر..بس اما اساله لا صعبه
والله ماقدر ولااحب..


ياسلاااام .. وهذا المثال جانا جاهز !

شفتي شلون ؟!
عتبانه عليها وشايله بقلبك وهي تلاقينها وحليلها ماهيب داريه عنك !
لازم تسألينها وتفهمين منها .. يمكن تتوضّح لك اشياء انتي فاهمتها غلط

تدرين ان صار سوء فهم هاليومين من بعض الأعضاء
بسبب كلامك اللي قلتيه في موضوع اللقاء
وأول من جاا ودافع عنك هي البريئه !!


شلون جاهز..
عتبناه عليها من زمان وودي انها تعرف بس مستحيل اتكلم
او اسألها ليش وقليلي انتي شنو سوء التفاهم اللي
صار واهيا دافعت عني قليلي بالله..!!
وانا ماقلت شي غلط انا صريحه واللي بقلبي على لساني
مااحب اكبت شي بقلبي ومااذكر شنو قلت ومااعتقد
اني قلت شي غلط لاني مااعملها..


انا اقولك قوليلها وش اللي مضايقك منها وريحي قلبك
وبتلاقينها طيبه حييل .. وعلى مسؤليتي !


ماقدر اسألها اخاف اتندم او تخذلني والبريئه اعرف شخصيتها
احس ماعندها في احد..

ياكثر ماتحتفظين بكلامك لروحك
فضفضي اشوف .. طلعي السؤال اللي بخاطرك


يمه منك مايخفى عليك شي..
بقلك شي بيني وبينك انا مااقول بحتفظ فيه لنفسي
يااما اني مااقدر اوصل المعلومه والشرح يطول
يااما في بالي شي وتفكير اخر مابي احد يعرفه..

متزوجه وعندي عيال ؟؟

لاء .. ماني متزوجه ولا مرتبطه
فـ اللي تبيني لأخوها انا موافقه !

يعني تخطبين روحك لاحد..^ـ^..
اوك انا لو عندي اخ كان زوجتك ياه لو سمح لي اختار له..
شايفتك بنيه بجد كذا والله عجبتيني ماكنت متوقعتك كذا..



حلوه العلاقات من بعيد لبعيد .. مع شوي مزح .. وشوي ضحك
وإذا زعلنا نتفاهم وتمشي امورنا

صدقتي من بعيد لبعيد افضل كنت اتمنى اني عملت هالشي
من زمان لكن بعد شنو بعد ماكسبت اعداء وايد من اعضاء المنتدى..

مادري والله .. يمكن لأن دموعهم نادره
يمكن لأني احس هالدموع ماتنزل إلا على شيء فعلا ً مؤلم !
ما أ عرف !

واحس بعد دموعهم صادقه مو مثل الحريم
متى مايبون تنزل اهيا جاهزه دايم..



كلما قلنا شي قالت امري غريب
حسستيني اني موب طبيعيه
انا صيّاحه شسوي .. مش بديّا دموع عنيّا !




ياحليلك لاني تفاجئت منك اول مره بحياتي اقابل انسانه
مثلك صريحه وماعندك باحد ولاتخافين طبيعيه
وعاجبتني بالحييل ولاعاد تصيحين فاهمه


لأنه أمر مسَلّم ومفروغ منه
وأظن مايختلف عليه اثنين

المرأه نصف الرجل .. والرجل نصف المرأه !
وهيك شي

قلتها من قبل ولااحد فهم يقولون خريط
لاوالله انه صحيح وهالشي واقع مانقدر ننكره..



<< فاطسه ضحك !


عساها دووم الضحكه..



( أ) أنا " غير " أحب " الخير " وَ أكره " القطاوه !

شنو القطاوه شنو تقصدين فيها..

اللي تقول ميااو !
عرفتيها ؟!

اااااي يابطني مت من الضحك تستهبلين من جدك
القطاوه يعني القطوه لاطلعيني غبيه حاستك تستهبلين
بعض كلامكم ماافهمه مو متعوده عليه متعوده
على لهجتي وبس..


الحمدلله على كل حال

اهم شي عديتي الطريق وتعملتي درس منه..


(ج ) قالوا " تبالغ " وَ قلتْ " لا صدقيني "


ايه بس انا ورابح صقر نفهمه !

:d:d قليلنا يابنت شنو ببالك..

متى قلتيلي
[color="purple"][b]


امبلا قلت ببداية الموضوع بس ماركزتي..

بجد شي يقهر ..
لكن انا واقفتلهم بالمرصاد !
انتهى زمن السرقات !

والله انك رايقه لاتقولين انك تسجلين بأي منتدى لك منه شي
واتمين تتهاوشين مع العرب بالطقاق مااسرقوا تعبي الا
لاني الافضل بقد ماهالشي يقهر بعد مايسعدني
احيانا وهذا دليل تميزي..

يتصدقون علي يعني


يس..


يالبى قلبك .. يسعدك ربي
وانا بعد سعيده بحواري معك
كان جدا ً ممتع